বিহাৰত ব্ৰহ্মপুত্ৰ মেইলত অগ্নিকাণ্ড

বিহাৰৰ মুংগেৰ-জামালপুৰ ষ্টেচনৰ মাজত ব্ৰহ্মপুত্ৰ মেইলৰ জেনেৰেটৰ কক্ষত আকস্মিক অগ্নিকাণ্ড ৷ উক্ত ঘটনাৰ ফলত একাধিক ৰেলৰ যাতায়ত ব্যাহত ৷ হতাহতৰ কোনো বাতৰি অহা নাই ৷

নিউজ ডেস্ক, 21 ছেপ্টেম্বৰঃ বিহাৰৰ মুংগেৰ-জামালপুৰ ষ্টেচনৰ ওচৰত শনিবাৰে ব্ৰহ্মপুত্ৰ মেইলত সংঘটিত হয় এক আকস্মিক অগ্নিকাণ্ডৰ ঘটনা ৷ উক্ত অগ্নিকাণ্ডটো ৰেলখনৰ এটা জেনেৰেটৰ কক্ষত সংঘটিত হয় ৷ তথ্যনুসৰি অগ্নিকাণ্ডটো সংঘটিত হোৱাৰ লগে লগে ৰেলৰ চালকজনে পূৰ্ণ দক্ষতাৰে ৰেলখনৰ পৰা অগ্নিকাণ্ড সংঘটিত হোৱা ডবাকেইটা বিচ্ছিন্ন কৰি দিয়ে ৷ যাৰ ফলত কোনো বিশেষ ক্ষয়-ক্ষতিৰ সন্মুখীন নোহোৱাকৈ ৰেলখনত যাত্ৰা কৰি থকা যাত্ৰীসকল ৰক্ষা পৰে ৷ ৰেলখনত সংঘটিত এই আকস্মিক অগ্নিকাণ্ডৰ ফলত অন্যান্য ৰেলসমূহৰ সময়সূচী যথেষ্ট বিঘ্নিত হোৱা পৰিলক্ষিত হৈছে ৷