নিউজ ডেস্ক,৩ জুলাইঃ বলিউড জগতৰ জনপ্ৰিয় তথা বৰ্ষীয়ান কৰিঅ'গ্ৰাফাৰ সৰোজ খানৰ দেহাৱসান । ৩ জুলাইৰ নিশা প্ৰায় ১.৫২ বজাত শেষ নিশ্বাস ত্যাগ কৰে কৰিঅ'গ্ৰাফাৰ গৰাকীয়ে । হৃদযন্ত্ৰৰ ক্ৰিয়া বন্ধ হৈ মৃত্যু হোৱা সৰোজ খানৰ শেষকৃত্য শুকুৰবাৰে পুৱা মালাদ মুছলিম কবৰস্থানত সম্পন্ন কৰে ।
আনহাতে,বৰ্ষীয়ান কৰিঅ'গ্ৰাফাৰ গৰাকীৰ মৃত্যুত ছ'চিয়েল মিডিয়াযোগে শ্ৰদ্ধাঞ্জলী জ্ঞাপন কৰে কেইবাগৰাকীও জনপ্ৰিয় ব্যক্তিয়ে। সৰোজ খানক শ্ৰদ্ধাঞ্জলী জনাই নিমৰত কৌৰে টুইটাৰত লিখে যে,সৰোজ খানৰ নামৰ পৰাই মই মোৰ জীৱনত কৰিঅ'গ্ৰাফাৰ শব্দৰ লগত পৰিচয় লাভ কৰিছো। এগাৰকী প্ৰতিভাৱান ব্যক্তি যিয়ে কিছু সংখ্যক অভিনেতা আৰু সংগীতক অমৰ কৰিছে । যিয়ে নিজৰ কামৰ জৰিয়তে এটি যুগক প্ৰভাবিত কৰিছে । তেখেতৰ আত্মীয় তথা পৰিয়াললৈ সমবেদনা জ্ঞাপন কৰিলো ।