অসমৰ পৰা পৃথক কৰা হ'ব বড়ো কছাৰী স্বায়ত্তশাসিত পৰিষদক

বড়ো কছাৰী স্বায়ত্তশাসিত পৰিষদক অসমৰ পৰা পৃথক কৰাৰ সিদ্ধান্ত গ্ৰহণ কৰিছে কেন্দ্ৰীয় চৰকাৰে ৷ সোমবাৰে স্বাক্ষৰিত হোৱা বড়ো শান্তি চুক্তিৰ জৰিয়তে গ্ৰহণ কৰা হয় এই সিদ্ধান্ত ৷

নেশ্যনেল ডেস্ক, 27 জানুৱাৰী : বড়োলেণ্ড স্বায়ত্তশাসিত পৰিষদৰ (BTC) ভৌগোলিক পৰিসীমা বৃদ্ধি কৰাৰ উদ্দেশ্যে বড়ো কছাৰী স্বায়ত্তশাসিত পৰিষদক পৃথক কৰাৰ সিদ্ধান্ত গ্ৰহণ কৰিছে কেন্দ্ৰীয় চৰকাৰে ৷ চাৰি বড়ো উগ্ৰপন্থী সংগঠনক সুখী কৰাৰ উদ্দেশ্যে এই সিদ্ধান্ত গ্ৰহণ কৰে কেন্দ্ৰীয় চৰকাৰে ৷

সোমবাৰে গৃহ মন্ত্ৰণালয়ত তৃতীয় বড়ো শান্তি চুক্তি স্বাক্ষৰিত হোৱাৰ সময়তে এই প্ৰস্তাৱে চৰকাৰী সন্মতি লাভ কৰে ৷

ইটিভি ভাৰতক প্ৰদান কৰা এক সাক্ষাৎকাৰত এই কথা প্ৰকাশ কৰে United Bodo Peoples Organisation ৰ উপ সভাপতি গম্বৰো মুছাহাৰীয়ে ৷ প্ৰস্তাৱিত পৰিষদখন অসমৰ 21 খন বিভিন্ন জিলাৰ প্ৰায় 10 লাখ বড়ো লোকেৰে গঠিত হ'ব ৷

আনহাতে, নতুন বড়ো কাছাৰ স্বায়ত্তশাসিত পৰিষদ ৰাজ্যিক চুক্তিৰ অধীনত থাকিব ৷ ভাৰতীয় সংবিধানৰ 6 সংখ্যক দফাৰ অধীনত অসমত Bodoland Territorial Council (BTC) গঠিত হৈছিল ৷

সোমবাৰৰ বহু প্ৰতিক্ষিত চুক্তি স্বাক্ষৰৰ সময়ত উপস্থিত আছিল গৃহমন্ত্ৰী অমিত শ্বাহ, অসমৰ মুখ্যমন্ত্ৰী সৰ্বানন্দ সোণোৱাল আৰু কেন্দ্ৰীয় আৰু ৰাজ্য চৰকাৰৰ বহু কেইজন উচ্চপদস্থ বিষয়-ববীয়া ৷

ৰাজ্যসভা সাংসদ বিশ্বজিত দৈমাৰীয়েও এই সম্পৰ্কত আত্মবিশ্বাস প্ৰকাশ কৰি কয় যে, এই চুক্তিয়ে অসমলৈ শান্তি ঘূৰাই আনিব ৷ এই চুক্তিয়ে বড়ো সকলৰ ভাষা, সংস্কৃতি আৰু পৰিচয় সংৰক্ষিত কৰি ৰখাত সহায় কৰিব ৷

আৰু পঢ়ক : অসম আৰক্ষীৰ শীৰ্ষ পৰ্যায়ত ব্যাপক ৰদবদল