বড়ো শান্তি চুক্তিয়ে কেন্দ্ৰক শক্তিশালী কৰাৰ বিপৰীতে দুৰ্বল কৰিছে অসমক

কেন্দ্ৰীয় চৰকাৰৰ এই পদক্ষেপে ভাৰতৰ যি গণতান্ত্ৰিক ব্যৱস্থা আছে তাত কেন্দ্ৰৰ একনায়কত্বক অধিক সুদীৰ্ঘ কৰিব ৷

চলিত বৰ্ষৰ 27 জানুৱাৰী সোমবাৰে এক ত্ৰিপাক্ষিক বৈঠকত স্বাক্ষৰিত কৰা হয় তৃতীয় বড়ো শান্তি চুক্তি ৷ কেন্দ্ৰীয় চৰকাৰ, অসম চৰকাৰ আৰু এনডিএফবিৰ মাজত স্বাক্ষৰিত হয় এই চুক্তি ৷ ইয়াৰ পাচতেই নগা আৰু আলফা চুক্তিৰ ওপৰত যথেষ্ট গুৰুত্ব প্ৰদান কৰিছে কেন্দ্ৰীয় চৰকাৰে ৷

কিন্তু কেন্দ্ৰীয় চৰকাৰৰ এই পদক্ষেপে ভাৰতৰ যি গণতান্ত্ৰিক ব্যৱস্থা আছে তাত কেন্দ্ৰৰ একনায়কত্বক অধিক সুদীৰ্ঘ কৰিব ৷ অৱশ্যে এটা যুক্তিযুক্ততা থাকিব পাৰে যে, এই চুক্তিৰ দ্বাৰা তৃণমূল পৰ্যায়ত ক্ষমতাৰ স্থানন্তৰ কৰা হৈছে ৷ আন কথাত ৰাজ্য চৰকাৰক আওকান কৰি কেন্দ্ৰৰ স্থিতি শক্তিশালী কৰাৰ এক চেষ্টা বুলিও উল্লেখ কৰিব পাৰি ৷

এই ত্ৰিপাক্ষিক চুক্তিৰ জৰিয়তে কেন্দ্ৰীয় পৰ্যায়ৰ ৰাজ্যমন্ত্ৰী, বড়োলেণ্ড স্বায়িত্ব শাসিত আৰু কেন্দ্ৰীয় গৃহ মন্ত্ৰালয়ৰ প্ৰতিনিধিয়ে বড়োলেণ্ড প্ৰাদেশিক ক্ষেত্ৰৰ সকলো দিশ চোৱা-চিতা কৰিব ৷ এই প্ৰতিনিধিৰ দলটোৱে এটা বৰ্ষত দুবাৰকৈ সকলো ব্যৱহাৰিক দিশ আৰু বড়ো অঞ্চলৰ ভাগ্য নিৰ্ণয়ৰ মধ্যস্থতাকাৰী হিচাপে কাম কৰিব ৷ যদিহে অতি গুৰুত্ব সহকাৰে দেখা যায় ইয়াৰ দ্বাৰা বড়োসকলে অত্যাধিক কাৰ্যবাহী, আইনগত, প্ৰশাসনিক তথা আৰ্থিক ক্ষমতা লাভ কৰিবলৈ সক্ষম হ’ব ৷ কিন্তু ইয়াৰ দ্বাৰা ৰাজ্য চৰকাৰে এক বৃহৎ পৰিমাণৰ ৰাজহ সংগ্ৰহ কৰাৰ পৰা বঞ্চিত হ’ব ৷

এইটো মন ৰখা উচিত যে, এইয়া তৃতীয় বড়ো চুক্তি ৷ ইয়াৰ পূৰ্বে আবছুৰ নেতৃত্বত 1993 চনত Bodoland Autonomous Council (BAC) স্বাক্ষৰিত হৈছিল ৷ তাৰ পাচত দ্বিতীয়বাৰৰ বাবে 2003 চনত Bodo Liberation Tigers চমুকৈ বিএলটিৰ সৈতে BTC অৰ্থাৎ Bodoland Territorial Council গঠন হৈছিল ৷ 27 জানুৱাৰীত স্বাক্ষৰিত হোৱা এই চুক্তিৰ পাচতেই Bodoland Territorial Region হিচাপে ঘোষণা কৰা হয় ৷ যাৰ দ্বাৰা প্ৰশাসনিক, কাৰ্যবাহী দিশত পূৰ্বতকৈ অধিক শক্তিশালী হ’ব BTR ত৷

আন এক যুক্তি হ’ব পাৰে যে ইয়াৰ দ্বাৰা ৰাজ্যবাদৰ দাবী আগন্তুক দিনলৈ উত্থাপন নহ’ব পাৰে ৷ বড়ো শীৰ্ষ নেতা গোবিন্দ বসুমতাৰীয়ে কৈছে যে, যি প্ৰস্তাৱ লোৱা হৈছে তাত আমি সন্তুষ্ট ৷ এই নতুন মডেলটো এখন স্বতন্ত্ৰ ৰাজ্যৰ দৰেই ৷ গতিকে এখন নতুন ৰাজ্য গঠনৰ প্ৰয়োজনীয়তা আমি বোধ নকৰো ৷

কেন্দ্ৰৰ চিন্তাক কিহে অনুপ্ৰাণিত কৰিছে -

এক্ট ইষ্ট পলিচিৰ অনুসৰণ কৰি উত্তৰ পূৰ্বাঞ্চল ভাৰতৰ সাংস্কৃতিক সমন্ধৰ ওপৰত অধিক গুৰুত্ব প্ৰদান কৰি দক্ষিণ পূৱ এছিয়াৰ দেশ সমূহৰ সৈতে আৰ্থিক আৰু ৰাজনৈতিক সমন্ধৰ উদ্দশ্য সোমাই আছে ৷ চৰকাৰ জ্ঞাত যে, 22 কিলোমিটাৰ চিকেন নেকৰ নেক লেণ্ডৰ কৰিডৰে পূৰ্বাঞ্চলক ভাৰতৰ সৈতে সংযুক্ত কৰি ৰাখিছে যিটো এতিয়া বড়ো অঞ্চলৰ অন্তৰ্গত ৷ এতিয়া বিটিআৰ হৈ পৰিব উত্তৰ পূৰ্বাঞ্চলৰ প্ৰৱেশদ্বাৰ ৷ য’ত দক্ষিণ পূৱ এছিয়ালৈ পোৱাৰ বাবে পৰিকল্পনা যদি ফলপ্ৰসূ হয় তেন্তে অধিক গুৰুত্বপূৰ্ণ হ’ব ইয়াৰ শান্তি আৰু স্থিতিশীলতা ৷

বিটিআৰ হৈছে এক সংবেদনশীল স্থান ৷ কিয়নো ইয়াৰ সীমান্তবৰ্তী অঞ্চলটো বিদেশী সীমান্তৰে আগুৰি আছে ৷ ইয়াৰ উত্তৰ দিশত ভূটান থকাৰ বিপৰীতে দক্ষিণত আছে বাংলাদেশ ৷ ইপিনে বাংলাদেশৰ প্ৰব্ৰজনৰ দিশটোৰে চালে চিকেন নেক হৈছে এক অতি স্পৰ্শকাতৰ অঞ্চল ৷ কোচবিহাৰৰ বহু স্থানত সন্দেহজনক নাগৰিকৰ গোট ভৰি আছে ৷ যিটোৱে দেশৰ বিভিন্ন স্থানত সিচঁৰিত হৈ আছে ৷ বিগত দুটা দশকত বড়ো সংগঠনে শাসকীয় পক্ষৰ সৈতে সংযুক্ত কৰাৰ চেষ্টা চলাই আছিল ৷ এই ক্ষেত্ৰীয় অঞ্চলটোৰ বাবে এইটো এটা বিশেষ পদক্ষেপ য’ত অসম বিধানসভাৰ 126 খন আসনৰ 16 খন আছে BTR ত ৷ বিশেষভাৱে ক’বলৈ গ’লে দৈনন্দিন পৰিক্ৰমাত বিটিআৰত পৃথক ৰাজনৈতিক ধাৰা উত্থাপন কৰিছে ৷ বিশেষকৈ নাগৰিকত্ব সংশোধনী আইন বিৰোধী, কেন্দ্ৰীয় চৰকাৰ বিৰোধ বিষয়বস্তুটোৰ সময়ত ৷

এই চুক্তিয়ে সন্ত্ৰাসবাদী সমাপ্ত কৰাৰ ক্ষেত্ৰত এক বৃহৎ পদক্ষেপ বুলি ক’ব পাৰি ৷ কাৰণ বড়ো আন্দোলনৰ সময়ত 4000 লোকে প্ৰাণ হেৰুৱালগীয়া হৈছিল ৷ কিন্তু প্ৰকৃততে এইয়া সম্ভৱ হ’ব নে ?

অৱশ্যে কিছু বিষয়বস্তু এতিয়াও অধিক গুৰুত্বপূৰ্ণ ৷ কাৰণ বিটিআৰত এতিয়া ৰাজনৈতিক ভাৱে বড়োসকলে আধিপত্য স্থাপন কৰিব পাৰে ৷ অসমীয়া ভাষিক, আদিবাসী চাহ সম্প্ৰদায় জনজাতি সহ বহু অবড়ো লোকৰ এক সংখ্যা গৰিষ্ঠ লোক অন্তৰ্ভূক্ত হৈ আছো BTRত ৷ সেয়ে যদিহে বড়ো সকলে অবড়ো সকলৰ সৈতে ঐক্যবদ্ধ ভাৱে অগ্ৰসৰ নহয় তেন্তে পৰৱৰ্তী সময়ত সংঘৰ্ষ হোৱাটো নিশ্চিত ৷

- সংঞ্জীৱ কুমাৰ বৰুৱা ৷