নেশ্যনেল ডেস্ক, 6 আগষ্ট : বান বিধস্ত বিহাৰত নাও দুৰ্ঘটনা সংঘটিত হোৱাৰ ফলত প্ৰায় 15 জন লোকৰ মৃত্যু হোৱাৰ তথ্য লাভ কৰা হৈছে ৷ খাগৰিয়া জিলাত 10 জনৰ মৃত্যু হোৱাৰ লগতে সহৰ্শা আৰু দৰভংগাত ক্ৰমে তিনি আৰু দুজনৰ মৃত্যু হৈছে ৷
খাৰগৰিয়া জিলা দণ্ডাধীশ আলোক ৰঞ্জন ঘোষে কয় যে,গন্দক নদীত সংঘটিত হোৱা দুৰ্ঘটনাগ্ৰস্ত নাৱত 20 জনৰো অধিক লোক আছিল ৷ নাওখন দুৰ্ঘটনাত পতিত হোৱাৰ ফলত 10 জন লোকৰ মৃত্যু হয় ৷ প্ৰায় 12 জন লোকে সাঁতুৰি নিজৰ প্ৰাণ ৰক্ষা কৰে ৷ মৃত 10 জনৰে 4 জন পুৰুষ, 4 গৰাকী মহিলা আৰু দুটি শিশু আছিল বুলি জানিব পৰা গৈছে ৷
দৰভংগাত মঙলবাৰৰ নিশা 13 জন লোক কঢ়িয়াই নিয়া এখন নাও কাৰেহ নৈত দুৰ্ঘটনাগ্ৰস্ত হয় ৷ 10 জন লোকে সাঁতুৰি প্ৰাণ ৰক্ষা কৰিবলৈ সক্ষম হোৱাৰ বিপৰীতে দুগৰাকী প্ৰায় 40-45 বছৰৰ মহিলাৰ মৃতদেহ উদ্ধাৰ কৰে এনডিআৰএফে ৷ আনহাতে, এজন 16 বৰ্ষীয় কিশোৰক বৰ্তমানেও উদ্ধাৰ কৰিবলৈ সক্ষম হোৱা নাই ৷