পশ্চিমবংগ, 29 জুনঃ বিজেপিৰ পূৱ মিডনাপুৰ জিলাৰ সচিব পবিত্ৰ দাস দেওবাৰে গুলীবিদ্ধ হয় । তেওঁৰ অঞ্চলত গাঁওবাসীক কৰা আক্ৰমণত নেতাগৰাকীৰ দেহত গুলী লাগে । তেওঁ এই আক্ৰমণৰ বাবে তৃণমূল কংগ্ৰেছক দোষাৰোপ কৰে । গুলীবিদ্ধ হোৱা নেতাজনত চিকিৎসালয়ত ভৰ্তি কৰোৱা হৈছে ।
পশ্চিমবংগত গুলীবিদ্ধ বিজেপি নেতা
পূৰ্বতে, বিজেপিয়ে সেই স্থানত তৃণমূল কংগ্ৰেছৰ বিৰুদ্ধে আন্দোলনত নামি পৰিছিল । আন্দোলনৰ কাৰণ আছিল আম্ফানৰ ক্ষতিপূৰণ বিতৰণৰ ক্ষেত্ৰত তৃণমূল কংগ্ৰেছে দলটোৰ সৈতে জড়িত লোকৰ অঙহী-বঙহী লোক সকলকহে ধন দিয়াৰ অভিযোগ, যাৰ ফলত প্ৰকৃত হিতাধিকাৰীসকল ক্ষতিপূৰণ লাভৰ পৰা বঞ্চিত হৈছিল ।