নিউজ ডেস্ক, ১৯ জুনঃআজি বিহাৰৰ বৈশালীস্থিত নিজ গৃহত শেষকৃত্য সম্পন্ন কৰা হয় বীৰ সেনা জোৱান জয় কিশোৰ সিঙৰ। শেষকৃত্য অনুষ্ঠানত জোৱানজনক শ্ৰদ্ধাঞ্জলী জনাবলৈ লোকে লোকাৰণ্য হৈ পৰে তেখেতৰ বাসগৃহ। হাজাৰ হাজৰ লোকৰ সমাগমেৰে সম্পূৰ্ণ সামৰিক মৰ্যদাৰে মাতৃভূমি ৰক্ষাৰ অৰ্থে প্ৰাণ বিষৰ্জন দিয়া জয় কিশোৰ সিঙক শ্ৰদ্ধাঞ্জলী জনোৱা হয়। ১৫ জুনৰ নিশা লাডাখৰ গালৱান উপত্যকাত চীনা সৈন্যৰ সৈতে ভাৰতীয় সেনাৰ সংঘৰ্ষত চীনা সৈন্যৰ আক্ৰমণত শ্বহীদ হৈছিল জয় কিশোৰ সিং।
বীৰ জোৱানজনৰ নশ্বৰ দেহত এপাহি ফুলেৰে শ্ৰদ্ধাঞ্জলী জনাবলৈ প্ৰায় সমগ্ৰ অঞ্চলটোৰ লোকে ভিৰ কৰে। জাতীয় পতাকা উৰুৱাই,ভাতৰ মাতা কি জয় ধ্বনিৰে মুখৰিত হৈ পৰে শেষকৃত্য অনুষ্ঠানস্থলী।