নিউজ ডেস্ক, 10 নৱেম্বৰ : বিহাৰত চলি আছে ভোটগণনা ৷ ভোটগণনা কেন্দ্ৰৰ আশেপাশে জাৰি কৰা হৈছে 144 ধাৰা ৷ নিৰ্বাচন আয়োগে সকলো ভোটগ্ৰহণ কেন্দ্ৰত ভোটাৰৰ সংখ্যা 1400 পৰা হ্ৰাস কৰি 1000 লৈ কম কৰিছিল ৷ ইয়াৰ ফলত বুথৰ সংখ্যা বৃদ্ধি পোৱাৰ বাবেই ফলাফল লাভ কৰাত কিছু বিলম্ব হ'ব পাৰে ৷
ৰাজ্যখনৰ 243 খন আসনৰ বাবে তিনিটা পৰ্যায়ত ভোটদান সম্পন্ন হয় ৷ প্ৰায় 3,755 গৰাকী প্ৰাৰ্থীৰ ভাগ্য আজি নিৰ্ধাৰণ হ'ব আৰু কোনে চৰকাৰ গঠন কৰে সেয়াও স্পষ্ট হৈ পৰিব ৷ ৰাজ্যখনৰ 38 খন জিলাত 55টা ভোটগণনা কেন্দ্ৰত ভোটগণনা চলি আছে ৷ সমান্তৰালকৈ নিৰাপত্তাৰ দিশটোত বিশেষ গুৰুত্ব প্ৰদান কৰা হৈছে ৷ বিহাৰ আৰক্ষীৰ লগতে অৰ্ধসামৰিক বাহিনীৰ 19টাকৈ অতিৰিক্ত বেটালিয়ন মোতায়েন কৰা হৈছে বিহাৰত ৷ নিৰ্বাচনী ফলাফলক লৈ বিভিন্ন নেতাই নিজৰ প্ৰতিক্ৰিয়া প্ৰকাশ কৰিছে ৷
"মোৰ সম্পূৰ্ণ বিশ্বাস আছে যে, জনতাই নিজৰ ভোট দি এনডিএৰ চৰকাৰকে নিৰ্বাচিত কৰিব ৷ এনডিএৰ ভোটাৰসকলে হাল্লা নকৰে ৷ মহাজোঁটবন্ধনৰ লোকসকলে বহুকেইটা স্থানত ভোটাৰৰ সৈতে মাৰ-পিট কৰাৰ লগতে তেওঁলোকক ধমকিও প্ৰদান কৰিছে ৷ জনতাই শান্তভাৱে পদুম ফুলত, কাড় চিনত, নাওঁত আৰু কুঠাৰত ভোট প্ৰদান কৰিছে ৷" মনোজ তিৱাৰী, বিজেপি নেতা ৷
"বিহাৰৰ 12 কোটি জনতাৰ ভৱিষ্যৰ সিদ্ধান্ত আজি নিৰ্ধাৰিত হ'ব ৷ গণতন্ত্ৰত জনতাই মালিক ৷ মোৰ বিশ্বাস আছে, জনতাই নীতিশ কুমাৰৰ বিকাশৰ নীতিক সমৰ্থন কৰিছে ৷ আজি পুনৰবাৰ এনডিএৰ চৰকাৰ হ'বলৈ গৈ আছে ৷" সঞ্জয় সিংহ, জেডিইউ নেতা ৷
"তেজস্বী ভৱঃ বিহাৰ !" তেজ প্ৰতাপ যাদৱ, আৰজেডি নেতা
"আৰজেডি আৰু কংগ্ৰেছৰ লোকসকল সুখত আছে, কিন্তু পুৰ্বানুমানত এনডিএৰ বিজয় নিশ্চিত হৈ আছে ৷ বিহাৰৰ জনতাই নীতিশ কুমাৰৰ নেতৃত্বত পুনৰবাৰ এনডিএ চৰকাৰ বনাব ৷ পিছৰ পুৰ্বানুমানক লৈ মহাজোঁটবন্ধনৰ নেতাসকল উৎসাহিত হৈ থাকিলেও বিহাৰত এনডিএৰ জয় নিশ্চিত ৷" শ্বাহনৱাজ হুছেইন, বিজেপি নেতা ৷
"এতিয়াই আমি ফলাফলৰ বিষয়ে নকওঁ, কিন্তু ভোটগণনাৰ অন্তত ছবিখন স্পষ্ট হৈ পৰিব ৷" নৱল কিশোৰ যাদৱ, বিজেপি নেতা ৷
"বিহাৰৰ জনতাৰ আদেশ আছে, সংস্থাপন, শিক্ষা, স্বাস্থ্য আৰু কৃষিত পৰিৱৰ্তনৰ প্ৰয়োজন আছে ৷ কিছু দেৰি পিচতে এই ছবি স্পষ্ট হৈ পৰিব ৷" মনোজ ঝা, আৰজেডি নেতা ৷