BMC য়ে ছেনিটাইজ কৰিলে অভিতাভ বচ্চনৰ বাসগৃহ 'জলসা'

বলিউডৰ বিগ বি খ্যাত অমিতাভ বচ্চন আৰু পুত্ৰ অভিষেক বচ্চনৰ দেহত কৰ'ণাৰ উপস্থিতি লাভ কৰাৰ পাচতে দেওবাৰে বৃহান মুম্বাইৰ পৌৰ নিগমৰ এটা দলে বচ্চন পৰিয়ালৰ 'জলসা' বাসগৃহত উপস্থিত হৈ বাসগৃহটোৰ লগতে চাৰিওফালৰ পৰিৱেশ ছেনিটাইজ কৰে ।

নিউজ ডেস্ক, ১২ জুলাইঃ মহামাৰী COVID-19 ত আক্ৰান্ত বলিউডৰ বিশিষ্ট অভিনেতা তথা বিগ বি খ্যাত অমিতাভ বচ্চন আৰু পুত্ৰ অভিষেক বচ্চন । দুয়োগৰাকী অভিনেতা পিতৃ-পুত্ৰক ইতিমধ্যে ভৰ্তি কৰোৱা হৈছে চিকিৎসালয়ত । তাৰোপৰি বৃহান মুম্বাইৰ পৌৰ নিগমৰ এটা দলে ইতিমধ্যে বচ্চন পৰিয়ালৰ জুহু চহৰত থকা জলসা বাসগৃহত উপস্থিত হয় । বৃহান মুম্বাইৰ পৌৰ নিগমৰ এই দলটোৱে ছেনিটাইজ কৰে বচ্চন পৰিয়ালৰ জলসা বাসগৃহটো ।

উল্লেখ্য যে, শনিবাৰে সন্ধিয়া বিগ বি অমিতাভ বচ্চনৰ দেহত ধৰা পৰে মহামাৰী COVID-19 ৰ উপস্থিতি । বিশিষ্ট তথা বৰ্ষীয়ান অভিনেতা গৰাকীৰ দেহত COVID-19ৰ উপস্থিতি ধৰা পৰা পাচতে ভৰ্তি কৰোৱা হয় মুম্বাইৰ নানাৱতী ছুপাৰ স্পেছিয়েলিষ্ট হাস্পতালত । ৭৭ বছৰীয়া অভিনেতা গৰাকীয়ে নিজে টুইটযোগে তেখেতৰ COVID-19ৰ পৰীক্ষাৰ ৰিজাল্ট পজিটিভ অহা বুলি কোৱাৰ উপৰিও বিগত ১০ দিন ধৰি তেখেতৰ সংস্পৰ্শত অহা ব্যক্তিসকলক COVID-19 ৰ পৰীক্ষা কৰিবলৈ অনুৰোধ জনাই ।

লগতে পঢ়ক :বিগ বি অমিতাভ বচ্চন আৰু পুত্ৰ অভিষেক বচ্চন কোভিড-19ত আক্ৰান্ত