COVAXIN ৰ ক্লিনিকেল ট্ৰায়েলৰ বাবে পঞ্জীয়ন আৰম্ভ ভাৰত বায়'টেকৰ

মানৱ দেহত COVAXIN ৰ পৰীক্ষণৰ বাবে হায়দৰাবাদস্থিত ভাৰত বায়'টেকে আৰম্ভ কৰিছে পঞ্জীয়ন প্ৰক্ৰিয়া । ভাৰত বায়'টেকে SARM-CoV-2 ৰ ষ্ট্ৰেইনৰ পৰা ইণ্ডিয়ান কাউঞ্চিল অফ্ মেডিকেল ৰিচাৰ্জ (ICMR) আৰু নেশ্যনেল ইনষ্টিটিউট অফ্ ভাইৰোলজি (NIV) ৰ সহযোগিতাত বিকাশ কৰি ওলিয়াইছে ভাৰতৰ প্ৰথমটো COVID-১৯ ৰ প্ৰতিষেধক ।

নিউজ ডেস্ক, 7 জুলাই : অগ্ৰণী প্ৰতিষেধক নিৰ্মাতা কোম্পানী ভাৰত বায়'টেকে শেহতীয়াকৈ হায়দৰাবাদৰ নেশ্যনেল ইনষ্টিটিউট অফ্ ভাইৰোলজিত COVID-১৯ ৰ প্ৰতিষেধক COVAXIN ৰ মানৱিক দেহত পৰীক্ষণৰ বাবে আৰম্ভ কৰিছে পঞ্জীয়ন প্ৰক্ৰিয়া ।

সফলতা পূৰ্বক প্ৰথম স্বদেশী প্ৰতিষেধক আৱিষ্কাৰ কৰাৰ কথা ঘোষণা কৰাৰ পাচতেই নেশ্য়নেল ইনষ্টিটিউট অফ মেডিকেল চাইঞ্চ (NIMS) বিজ্ঞানীয়ে বহু স্বেচ্ছাসেৱীৰ পৰা নমুনা সংগ্ৰহৰ কাম আৰম্ভ কৰিছে ।

শেহতীয়াকৈ ড্ৰাগ কণ্ট্ৰলাৰ জেনেৰল অফ ইণ্ডিয়াৰ পৰা এই প্ৰতিষেধকৰ মানৱ দেহত পৰীক্ষণৰ অনুমিত লাভ কৰিছিল ভাৰত বায়'টেকে ৷ ভাৰতৰ ড্ৰাগ কণ্ট্ৰলাৰ জেনেৰল অফ ইণ্ডিয়া CDSCOৰ স্বাস্থ্য আৰু কল্যাণ মন্ত্ৰণালয়ে প্ৰাক ক্লিনিকেল অধ্যয়নৰ পৰা পোৱা তথ্যৰ ফলাফল জমা দিয়াৰ পাচতেই সুৰক্ষা, প্ৰতিৰোধ প্ৰতিক্ৰিয়াৰ প্ৰদৰ্শন কৰি প্ৰথম আৰু দ্বিতীয় পৰ্যায়ৰ মানৱিক ক্লিনিকেল ট্ৰায়াল আৰম্ভ কৰাৰ অনুমতি প্ৰদান কৰা হৈছিল ৷

প্ৰী-ক্লিনিকেল অধ্যয়নে সুৰক্ষা আৰু প্ৰতিৰোধ প্ৰতিক্ৰিয়া প্ৰদৰ্শিত কৰে । প্ৰী-ক্লিনিকেল ট্ৰায়ালৰ অধীনত বিজ্ঞানীয়ে নিগনি অথবা বান্দৰ আদিৰ দৰে জন্তুৰ দেহত এই প্ৰতিষেধকে প্ৰতিৰোধ প্ৰতিক্ৰিয়া উৎপন্ন কৰে নে নকৰে চাবলৈ পৰীক্ষা কৰে । অৱশ্যে মহামাৰীস্থিতিত এই প্ৰতিষেধকটো আনুষ্ঠানিক স্বীকৃতি লাভ কৰাৰ পূৰ্বে জৰুৰীকালিন ব্য়ৱহাৰ যোগ্য অনুমোদন প্ৰাপ্ত হোৱাৰ সম্ভাৱনা আছে ।

বিশ্বৰ বহু গৱেষণাকাৰীয়ে কৰ'ণা ভাইৰাছ মহামাৰীৰ বাবে বৰ্তমানলৈ 145 টাকৈ অধিক প্ৰতিষেধকৰ বিকাশ কৰিছে । ইয়াৰে 20 টা হে এতিয়ালৈ মানৱ দেহত পৰীক্ষণ প্ৰক্ৰিয়াত আছে ।

লগতে পঢ়ক :পুণেত কোভিড-১৯ ৰোগীৰ আত্মহত্যা