কৃষি আইন বাতিলৰ দাবীৰে কেন্দ্ৰলৈ প্ৰস্তাৱ পশ্চিমবংগ বিধানসভাৰ

কেন্দ্ৰীয় চৰকাৰে প্ৰণয়ন কৰা তিনিখন কৃষি আইন প্ৰত্য়াহাৰ কৰিবলৈ পশ্চিমবংগ বিধানসভাই বৃহস্পতিবাৰে কেন্দ্ৰক এক প্ৰস্তাৱ আগবঢ়ায় । প্ৰস্তাৱটো সংসদীয় পৰিক্ৰমা মন্ত্ৰী পাৰ্থ চেটাৰ্জীয়ে প্ৰেৰণ কৰে ।

নিউজ ডেস্ক , ২৮ জানুৱাৰী : কৃষি আইনৰ বিৰুদ্ধে দেশত প্ৰতিবাদ অব্য়াহত থকাৰ মাজতে পশ্চিমবংগ চৰকাৰৰ এক আদৰণীয় পদক্ষেপ । কেন্দ্ৰীয় চৰকাৰে প্ৰণয়ন কৰা তিনিখন কৃষি আইনৰ বিৰুদ্ধে পশ্চিমবংগ বিধানসভাই বৃহস্পতিবাৰে কেন্দ্ৰক এই আইন প্ৰত্য়াহাৰ কৰিবলৈ এক প্ৰস্তাৱ আগবঢ়ায় । এই প্ৰস্তাৱটো সংসদীয় পৰিক্ৰমা মন্ত্ৰী পাৰ্থ চেটাৰ্জীয়ে প্ৰেৰণ কৰে । প্ৰস্তাৱৰ বিষয়ে মুখ্য়মন্ত্ৰী মমতা বেনাৰ্জীয়ে কয় যে কেন্দ্ৰই এই আইন প্ৰত্য়াহাৰ কৰিব লাগে নহ'লে ইয়াক অস্বীকাৰ কৰিব লাগে ।

ইফালে ৰাজ্য় চৰকাৰৰ এই প্ৰস্তাৱক চিপিআই (এম) আৰু কংগ্ৰেছে সমৰ্থন কৰে যদিও ৰাজ্য় চৰকাৰ খনে কেইবছৰমান আগতে প্ৰণয়ন কৰা একে ধৰণৰ আইন প্ৰত্যাহাৰ কৰিবলৈ দাবী জনায় । আনহাতে বিজেপি বিধায়কসকলে এই প্ৰস্তাৱৰ বিৰোধিতা কৰে আৰু "জয় শ্ৰী ৰাম" শ্লোগান দি গমন কৰা দেখা যায় ।

লগতে পঢ়ক :টোলগেটত বাধ্যতামুলক ফাষ্টটেগ; অন্যথা দিব লাগিব দুগুণ জৰিমনা