নিউজ ডেস্ক, ৩১ মে' : অষ্ট্ৰেলিয়াৰ প্ৰধানমন্ত্ৰীৰ স্কট মৰিচনে দেওবাৰে পুৱা টুইটাৰত আমৰ চাটনিৰ লগত নিৰামিষ চিঙৰা ফটো শ্বেয়াৰ কৰে । অষ্ট্ৰেলিয়াৰ এই চিঙৰাক স্কোমোসাস (ScoMosas) নামে নামাকৰণ কৰি তেওঁৰ বন্ধু তথা ভাৰতৰ প্ৰধানমন্ত্ৰী নৰেন্দ্ৰ মোডীৰ লগত একেলগে খোৱাৰ ইচ্ছা ব্যক্ত কৰে ।
উল্লেখ্য যে, ৪ জুনত ভাৰতৰ প্ৰধানমন্ত্ৰী নৰেন্দ্ৰ মোডী অষ্ট্ৰেলিয়াৰ প্ৰধানমন্ত্ৰী স্কট মৰিচনৰ লগত ভিডিঅ' কনফাৰেন্সত মিলিত হ'ব । স্কট মৰিচনৰ টুইটত কয় যে, এই সপ্তাহত মই প্ৰধানমন্ত্ৰী নৰেন্দ্ৰ মোডীৰ লগত ভিডিঅ' কনফাৰেন্সৰ জৰিয়তে বৈঠকত মিলিত হম । প্ৰধানমন্ত্ৰী মোডী নিৰামিষভোজী আৰু মই তেঁওৰ লগত এইয়া একেলগে খাব বিচাৰো ।