অফিচিয়েল ৱেবচাইটৰ পৰা অফলাইন হ’ল অসমৰ ৰাষ্ট্ৰীয় নাগৰিকপঞ্জীৰ তথ্য

‘ৰাষ্ট্ৰীয় নাগৰিকপঞ্জীৰ সকলোবোৰ তথ্য সুৰক্ষিতভাৱে মজুত আছে ৷ কিন্তু কিছু কাৰিকৰী বিজুতিৰ ফলতহে এনে ঘটনা সংঘটিত হৈছে ৷ ইয়াক অতি শীঘ্ৰেই সমাধা কৰা হ’ব বুলি উল্লেখ কৰে গৃহমন্ত্ৰালয়ে ৷

নেশ্যনেল ডেস্ক, 12 ফেব্ৰুৱাৰীঃ কাৰিকৰী বিজুতিৰ ফলত অসমৰ ৰাষ্ট্ৰীয় নাগৰিকপঞ্জীৰ তথ্যসমূহ অফিচিয়েল ৱেবচাইটৰ পৰা অফলাইন হৈ পৰে ৷ বুধবাৰে গৃহমন্ত্ৰালয়ে এই সন্দৰ্ভত অতি শীঘ্ৰেই বিষয়টো পুনৰ সমাধান কৰা হ’ব বুলি উল্লেখ কৰে ৷

গৃহমন্ত্ৰালয়ৰ ফালৰ পৰা উল্লেখ কৰে যে ‘ৰাষ্ট্ৰীয় নাগৰিকপঞ্জীৰ সকলোবোৰ তথ্য সুৰক্ষিতভাৱে মজুত আছে ৷ কিন্তু কিছু কাৰিকৰী বিজুতিৰ ফলতহে এনে ঘটনা সংঘটিত হৈছে ৷ ইয়াক অতি শীঘ্ৰেই সমাধা কৰা হ’ব ৷

উল্লেখ্য যে অসমত থকা বিদেশী অনুপ্ৰৱেশকাৰীক চিনাক্ত কৰাৰ বাবে অসমত ৰাষ্ট্ৰীয় নাগৰিক পঞ্জীৰ ব্যৱস্থা গ্ৰহণ কৰা হৈছিল ৷ আনহাতে বহু প্ৰতিক্ষাৰ অন্তত 31 আগষ্ট 2019 চনত প্ৰকাশ পাইছিল চূড়ান্ত ৰাষ্ট্ৰীয় নাগৰিকপঞ্জী ৷ ইয়াৰ পৰা সৰ্বমুঠ 19,06,657 গৰাকী লোকৰ নাম বাদ পৰিছিল ৷ ৰাষ্ট্ৰীয় নাগৰিকপঞ্জীৰ সকলোবোৰ তথ্য ইয়াৰ অফিচিয়েল ৱেবচাইট www.nrcassam.nic.in ত উপলব্ধ ৷

আৰু পঢ়কঃওড়িশাৰ বিধায়কে সাঙীত তুলি নিলে গৰ্ভৱতী মহিলাক