নিউজ ডেস্ক,১২ জুনঃ আই এ এচ ৰাধাকৃষ্ণণক তামিলনাডু চৰকাৰৰ নতুন স্বাস্থ্য সচিব হিচাপে নিযুক্তি প্ৰদান কৰা হয়। পূৰ্বৰ আই এ এচ বিষয়া বিলা ৰাজেশৰ ঠাইত তামিলনাডু চৰকাৰে আই এ এচ ৰাধাকৃষ্ণণক নিযুক্তি প্ৰদান কৰে।
ৰাজ্যখনত কোভিড-১৯ মহামাৰীৰ প্ৰাদুৰ্ভাৱ বৃদ্ধি পোৱাৰ বাবে ৰাজ্য চৰকাৰে স্বাস্থ্য সচিব বিলা ৰাজেশক বৰ্খাস্ত কৰে। ইয়াৰ পাছতে এই দায়িত্ব অৰ্পণ কৰে আই এ এচ ৰাধাকৃষ্ণণক। তামিলনাডু চৰকাৰৰ আদেশ মৰ্মে শীঘ্ৰে বিশেষ কোভিড-১৯ নিয়ন্ত্ৰণ বিষয়া হিচাপে কাৰ্যভাৰ গ্ৰহণ কৰিব আই এ এচ ৰাধাকৃষ্ণণে।
ইয়াৰ পূৰ্বে আই এ এচ বিষয়া ৰাধাকৃষ্ণণে তামিলনাডুৰ দুৰ্যোগ প্ৰশমন বিভাগৰ পৰিচালন আয়ুক্ত হিচাপে কৰ্মৰত আছিল। চুনামীৰ সংকটৰ সময়ত নাগাপাট্টিনম জিলাৰ জিলা কালেক্টৰ হিচাপে প্ৰশাসনিক কাম-কাজত সক্ৰিয় ভূমিকা পালন কৰিছিল।