সন্ত্ৰাসবাদ প্ৰতিৰোধী স্কোৱাডৰ হাতত গ্ৰেপ্তাৰ দূৰ্ধৰ্ষ অপৰাধী

গুজৰাটৰ বটাড জিলাৰ এখন অৰণ্যৰ পৰা 5 মে' তাৰিখে এজন দূৰ্ধৰ্ষ অপৰাধীক গ্ৰেপ্তাৰ কৰে সন্ত্ৰাসবাদ প্ৰতিৰোধী স্কোৱাডে ৷ দূৰ্ধৰ্ষ অপৰাধীটোৰ নাম জুচাৱ আল্লাৰাখা বুলি জানিব পৰা গৈছে ৷

নিউজ ডেস্ক, 6 মে':গুজৰাটৰ বটাড জিলাৰ এখন অৰণ্যৰ পৰা সন্ত্ৰাসবাদ প্ৰতিৰোধী স্কোৱাডে 5 মে' তাৰিখে এজন দূৰ্ধৰ্ষ অপৰাধীক গ্ৰেপ্তাৰ কৰে ৷ এই অপৰাধীজন বহুকেইটা হত্যা আৰু ডকাইতিৰ গোচৰৰ সৈতে জড়িত বুলি জানিব পৰা গৈছে ৷

জুচাৱ আল্লাৰাখা নামৰ এই দূৰ্ধৰ্ষ অপৰাধীটো অৰণ্যখনত লুকাই থকাৰ খবৰ পাই স্কোৱাডৰ 5 জনীয়া দলটো তাত উপস্থিত হয় আৰু অপৰাধীটোক গ্ৰেপ্তাৰ কৰিবলৈ সক্ষম হয় ৷ উল্লেখ্য যে, আল্লাৰাখা গুজৰাটৰ বহুকেইখন জিলা আৰু চহৰৰ বহুকেইটা গোচৰৰ সৈতে সাঙোৰ খাই আছে ৷