প্লাষ্টিকৰ বটলেৰে নিৰ্মাণ কৰা এটা ঘৰ ৷

যি সময়ত বিশ্বজুৰি প্লাষ্টিকক ত্ৰাস হিচাপে গণ্য কৰা হৈছে, ঠিক সেইসময়তে অমৰাৱতীৰ ৰাজুৰা নগৰৰ নীতিন উজগংকাৰে নিজৰ উদ্ভাৱনী কৌশলেৰে বৰ্জিত প্লাষ্টিকক পৰিবেশ অনুকূল ঘৰ নিৰ্মাণত ব্যৱহাৰ কৰিছে ৷

ভাৰতৰ প্লাষ্টিকৰ সমস্যাৰ সাম্ভাব্য সমাধান হিচাপে প্ৰায় 20 হাজাৰ প্লাষ্টিক বটল ব্যৱহাৰ কৰি উজগংকাৰে নিৰ্মাণ কৰা ঘৰটোৱে আপোনাক আচৰিত কৰি তুলিব ৷ ইটা বালি শিল চিমেণ্টেৰে নিৰ্মিত ঘৰ সকলোতে সহজলভ্য ৷ কিন্তু প্লাষ্টিকৰ বটলেৰে গৃহ নিৰ্মাণ সমগ্ৰ ভাৰততে এটা সম্পূৰ্ণ নতুন ধৰণা

উজগংকাৰে উদ্ভাৱন কৰা এই প্লাষ্টিক গৃহটো নিৰ্মাণ কৰিছিল দস্তুৰনগৰ অঞ্চলৰ চেণ্ট গ্ডজ বাবা অমৰাৱতী বিশ্ববিদ্যালয়ৰ সমীপত ৷ আইনৰ স্নাতকোত্তৰ ডিগ্ৰীধাৰী উজগংকাৰে নিজৰ চখ পূৰণৰ বাবেহে নিৰ্মাণ কাৰ্যত ব্ৰতী হৈছিল ৷ তেওঁ নিৰ্মাণ খণ্ডত সদায়ে কিবা এটা অভিনৱ পদ্ধতি উদ্ভাৱনৰ কথা চিন্তা কৰে ৷

উজগংকাৰৰ মতে, সকলোৱে এই কৌশল দেখি হতবাক হৈছিল ৷ কিন্তু ক্ৰমান্বয়ে সকলোৱে এই পদ্ধতিক বিশ্বাস কৰিবলৈ ধৰিছে ৷ খটখটীবোৰ ইটাৰে আৰু ঘৰৰ দেৱালবোৰ প্লাষ্টিকৰ বটল আৰু বালিৰে নিৰ্মাণ কৰা হয় ৷ দেশত প্ৰতি নিয়ত বাঢ়ি অহা প্লাষ্টিক প্ৰদূষণৰ সৈতে মোকাবিলা কৰিবলৈ অদূৰ ভৱিষ্যতে এইটো এটা মূল্যৱান কৌশল ৰূপে প্ৰমাণিত হ'ব ৷