আইজল অসামৰিক চিকিৎসালয়ৰ স্বাস্থ্য কৰ্মীক COIVD-১৯ৰ প্ৰতিষেধক প্ৰদান

আজিৰে পৰা সমগ্ৰ দেশতে আৰম্ভ হৈছে COIVD-১৯ৰ টীকাকৰণ প্ৰক্ৰিয়া । মিজোৰামতো টীকাকৰণ প্ৰক্ৰিয়া চলিছে । শনিবাৰে আইজল অসামৰিক চিকিৎসালয়ৰ স্বাস্থ্য কৰ্মীক প্ৰদান কৰা হয় COIVD-১৯ৰ প্ৰতিষেধক ।

নেশ্যনেল ডেস্ক, ১৬ জানুৱাৰী: দেশৰ ভিন্ন ৰাজ্যৰ সমান্তৰালকৈ শনিবাৰে মিজোৰামতো COIVD-১৯ৰ টীকাকৰণ প্ৰক্ৰিয়া আৰম্ভ হৈছে । আজি আইজল অসামৰিক চিকিৎসালয়ৰ মুৱানপুই নামৰ এগৰাকী চতুৰ্থ বৰ্গৰ স্বাস্থ্য কৰ্মীক COIVD-১৯ৰ প্ৰতিষেধক প্ৰদান কৰা হয় । চিকিৎসকে প্ৰকাশ কৰা মতে, প্ৰতিষেধক প্ৰদানৰ পিছত ৪৪ বছৰীয়া মুৱানপুইক পৰ্যবেক্ষণ কৰা হয় আৰু কোনো ধৰণৰ ক্ষতিকাৰক প্ৰভাৱ পৰিলক্ষিত হোৱা নাই ।

মিজোৰামৰ স্বাস্থ্য বিভাগে প্ৰকাশ কৰা তথ্য অনুসৰি, ১৮,৫০০টা প্ৰতিষেধক মিজোৰাম আহি পাইছে । প্ৰথম পৰ্যায়ত ৩১৫ গৰাকী কেন্দ্ৰীয় স্বাস্থ্য কৰ্মীসহ ১৪,৬০৭ গৰাকীৰো অধিক স্বাস্থ্য কৰ্মীৰ টীকাকৰণ সম্পন্ন কৰা হ'ব । শনিবাৰৰ দিনটোত আইজলত থকা ৪টা কেন্দ্ৰ আৰু লুংলেইত থকা এটা কেন্দ্ৰসহ মিজোৰামৰ মুঠ ৫ টা টীকাকৰণ কেন্দ্ৰত ১০০ গৰাকী নাগৰিকক COIVD-১৯ৰ প্ৰতিষেধক প্ৰদান কৰা হ'ব ।

অহা সপ্তাহৰ পৰা ৰাজ্যখনৰ সকলো জিলাতে টীকাকৰণ প্ৰক্ৰিয়া সম্পন্ন কৰা হ'ব । প্ৰথম দিনা টীকাকৰণ প্ৰক্ৰিয়া সম্পন্ন কৰাৰ সময়ত আইজল অসামৰিক চিকিৎসালয় ৰাজ্যখনৰ স্বাস্থ্য মন্ত্ৰী ড০ লালথাংলিনাও উপস্থিত থাকে । তেওঁ কয় যে, প্ৰতিষেধক উপলব্ধ হৈছে যদিও সাৱধনতা অৱলম্বন কৰা উচিত । মুখত মাস্ক পৰিধান কৰি সকলোকে সামাজিক দূৰত্ব বৰ্তাই ৰাখিবলৈ আহ্বান জনালে স্বাস্থ্য মন্ত্ৰীগৰাকীয়ে ।

PLEASE CHANGE THUMBNAIL IMAGE

লগতে পঢ়ক:এৰ' ইণ্ডিয়া ২০২১ ৰ অনলাইনযোগে উপলব্ধ টিকট বুকিং