নেশ্যনেল ডেস্ক, 5 এপ্ৰিল : কৰ'ণা ভাইৰাছত আক্ৰান্ত লোকৰ চিকিৎসাৰ বাবে 21 টন গুৰুত্বপূৰ্ণ চিকিৎসা সামগ্ৰী চীনৰ পৰা কঢ়িয়াই আনিলে এয়াৰ ইণ্ডিয়াই ৷ এই সম্পৰ্কত এয়াৰ ইণ্ডিয়াই প্ৰদান কৰা এক বিবৃতি অনুসৰি, "আন্তৰাষ্ট্ৰীয় পৰিসৰত নগৰ বিমান মন্ত্ৰণালয় আৰু এয়াৰ ইণ্ডিয়াই একত্ৰিত হৈ কঢ়িয়াই আনে গুৰুত্বপূৰ্ণ চিকিৎসা সামগ্ৰী ৷ 4 এপ্ৰিল, 2020 ত ভাৰত আৰু চীনৰ মাজত প্ৰথমখন কাৰ্গো বিমানৰ জৰিয়তে 21 টন গুৰুত্বপূৰ্ণ চিকিৎসা সামগ্ৰী কঢ়িয়াই অনা হয় ৷"
লগতে কোৱা হয় যে, 'লাইফলাইন উড়ান' সেৱাৰ অধীনত এয়াৰ ইণ্ডিয়া, এলায়েন্স এয়াৰ, পৱন হন্স আৰু অন্যান্য ব্যক্তিগত বিমানসেৱাৰ জৰিয়তে মুঠ 116 খন বিমানৰ চলাচল হৈছে ৷ ইয়াৰে 79 খন বিমান এয়াৰ ইণ্ডিয়া আৰু এলায়েন্স এয়াৰৰ দ্বাৰা চলাচল কৰোৱা হয় ৷