নিউজ ডেস্ক,৭আগষ্ট: শুক্ৰবাৰে দিল্লী মহিলা আয়োগৰ মুখ্য নেত্ৰী স্বাতী মালিৱালে দেশৰ ন্যায় প্ৰক্ৰিয়াৰ ওপৰত ক্ষোভ ব্যক্ত কৰি উল্লেখ কৰিলে যে, আমাৰ দেশৰ ন্যায় প্ৰক্ৰিয়া এনে পৰ্যায়ৰ যে, প্ৰথমে এজন অপৰাধীৰ দ্বাৰা ধৰ্ষণৰ স্বীকাৰ হোৱা নিৰ্যাতিতা গৰাকীয়ে পুনৰ আইনী প্ৰক্ৰিয়াৰ দ্বাৰা আন এক ধৰ্ষণৰ স্বীকাৰ হ'ব লগা হয় । দেশৰ ৰাজধানী নতুন দিল্লীৰ পশ্চিম বিহাৰ অঞ্চলৰ এগৰাকী নাবালিকাৰ ধৰ্ষণৰ ঘটণাৰ প্ৰসংগ উল্লেখ কৰি শুক্ৰবাৰে দিল্লী মহিলা আয়োগৰ মুখ্য নেত্ৰী স্বাতী মালিৱালে কলে এনেদৰে ।
"ধৰ্ষণৰ দুদিন পিছত দিল্লী আৰক্ষীয়ে এজন অপৰাধীক আটক কৰিছিল । ইয়াৰ পিছতে দোষীক উপযুক্ত শাস্তিৰ দাবী কৰিছিলো দিল্লী মহিলা আয়োগে । আমাৰ দেশত আমাৰ ন্যায় প্ৰক্ৰিয়া এনে পৰ্যায়ৰ যে, প্ৰথমে এজন অপৰাধীৰ দ্বাৰা ধৰ্ষণৰ স্বীকাৰ হয় নিৰ্যাতিতা গৰাকীয়ে আৰু ইয়াৰ পিছত পুনৰ আইনী প্ৰক্ৰিয়াৰ দ্বাৰা আন এক ধৰ্ষণৰ স্বীকাৰ হ'ব লগা হয় নিৰ্যাতিতা গৰাকী ।" এইদৰে কলে স্বাতী মালিৱালে।
"দিল্লীত এগৰাকী ১২ বছৰীয়া নাবালিকাক অতি নৃশংস ভাৱে ধৰ্ষণ কৰা হৈছিল । মই যেতিয়া নাবালিকা গৰাকীক লগ পাইছিলো তেতিয়া কোৱাটো খুবেই টান আছিল যে নাবালিকা গৰাকী জীয়াই থাকিব নে নাই । তেওঁৰ ভিতৰৰ ব্যক্তিগত অংগ সমূহত অতি পৈশাচিক ভাৱে আক্ৰমণ কৰিছিল । ডিঙিটোও ভাঙি পেলাইছিল । এই অপৰাধীক ছয় মাহৰ ভিতৰত ফাঁচী দিয়া হওঁক । " দিল্লী মহিলা আয়োগৰ মুখ্য নেত্ৰী গৰাকীয়ে এই দৰে দাবী কৰিলে দিল্লী আৰক্ষীক ।