তেজপুৰ, 3 অক্টোবৰ :কেন্দ্ৰীয় গৃহ মন্ত্ৰণালয়ে শেহতীয়াভাৱে উত্তৰ-পূৰ্বাঞ্চলৰ অতি স্পৰ্শকাতৰ জিলা সমূহৰ তালিকাৰ ভিতৰত অৰুণাচল প্ৰদেশৰ 3 খন জিলাত 'আৰ্মড ফৰ্চেচ স্পেচিয়েল পাৱাৰ এক্ট'পুনৰ 6 মাহৰ বাবে বৃদ্ধি কৰিছে । অৰুণাচল প্ৰদেশৰ আৰক্ষী সঞ্চালক প্ৰধান আৰ পি উপাধ্যায়য়ে ইটিভি ভাৰতক ফোন যোগে জনায় যে, অৰুণাচল প্ৰদেশৰ তিনিখন জিলা টিৰাপ ,চাংলাং আৰু লংডিংএলেকাত কেন্দ্ৰীয় চৰকাৰে অতি স্পৰ্শকাতৰ হিচাপে চিহ্নিত কৰি'আফচপা আইন' পুনৰ বলবৎ কৰিলে 2021 চনৰ 31 মাৰ্চলৈ ।
লগতে পঢ়ক :মূল্যবৃদ্ধি নিয়ন্ত্ৰণৰ দাবীত প্ৰতিবাদ
1 অক্টোবৰৰ পৰা গৃহীত হোৱা এই জিলা কেইখনৰ অধীনত 4 খন আৰক্ষী থানা সামৰি লোৱা হৈছে আৰু ই অসমৰ সীমান্তৱৰ্তী অতি স্পৰ্শকাতৰ অঞ্চল হিচাপে চিহ্নিত হৈছে । আৰ্মড ফৰ্চেচ(স্পেচিয়েল পাৱাৰ এক্ট) 1958 চনৰ ধাৰা 3 ৰ অধীনত সামৰি লোৱা হৈছে ৷