নিউজ ডেস্ক ৰিপৰ্ট,13 ডিচেম্বৰ: শেহতীয়া 72 ঘন্টাত আফগানিস্তানৰ দক্ষিণ অঞ্চলত আফগান ৰাষ্ট্ৰীয় নিৰাপত্তা বাহিনীৰ হাতত নিহত হৈছে 63 জন তালিবানী সন্ত্ৰাসবাদী সংগঠনৰ সদস্য ৷ ইয়াৰ মাজত 7 গৰাকী আত্মঘাতী আক্ৰমণকাৰীও আছে ৷ আনহাতে গুৰুতৰ ভাৱে আহত হৈছে 29 গৰাকী সন্ত্ৰাসবাদী ৷ মৰ্টাৰ আক্ৰমণেৰে সন্ত্ৰাসবাদী সকলক হত্যা কৰা হয় প্ৰকাশ কৰিছে সুত্ৰই ৷ উল্লেখ্য যে, বিগত সপ্তাহত তালিবানী সন্ত্ৰাসবাদী সংগঠন আৰু আফগান ৰাষ্ট্ৰীয় সুৰক্ষা বাহিনীৰ মাজত নিৰৱছিন্নভাৱে সংঘটিত হৈ আছে প্ৰচণ্ড সংঘাত ৷ ইয়াৰ ফলশ্ৰুতিতে শেহতীয়াকৈ এই সকল সন্ত্ৰাসবাদীক হত্যা কৰা হয় বুলি প্ৰকাশ কৰিছে সুত্ৰই ৷ আনহাতে 9 ডিচেম্বৰলৈকে 150 গৰাকী সন্ত্ৰাসবাদীক হত্যা কৰা হৈছে বুলি প্ৰকাশ কৰিছে আফগান প্ৰতিৰক্ষা মন্ত্ৰণালয়ে ৷
আফগান ৰাষ্ট্ৰীয় নিৰাপত্তা বাহিনীৰ আক্ৰমণত 63 জন তালিবানী সন্ত্ৰাসবাদী নিহত
9 ডিচেম্বৰলৈকে 150 গৰাকী সন্ত্ৰাসবাদীক হত্যা কৰা হৈছে বুলি প্ৰকাশ কৰিছে আফগান প্ৰতিৰক্ষা মন্ত্ৰণালয়ে ৷
আফগান ৰাষ্ট্ৰীয় নিৰাপত্তা বাহিনীৰ আক্ৰমণত 63 জন তালিবানী সন্ত্ৰাসবাদী নিহত
শনিবাৰে আফগান প্ৰতিৰক্ষা মন্ত্ৰণালয়ে প্ৰকাশ কৰা তথ্য অনুসৰি বিগত সপ্তাহত কান্ধাৰৰ দান্দ, ঋাৰী, আৰঘানদাব, মাইৱান্দ আৰু শ্বাহৱালী অঞ্চলত 60 গৰাকী সন্ত্ৰাসবাদীক আক্ৰমণ কৰিছে ৷ ইয়াৰে 51 গৰাকীৰ মৃত্যু হোৱাৰ লগতে 9 গৰাকী গুৰুতৰভাৱে আহত হৈছে ৷ লগতে অভিযানত আফগান ৰাষ্ট্ৰীয় নিৰাপত্তা বাহিনীয়ে 13 টাকৈ বিস্ফোৰক নিস্ক্ৰিয় কৰিছে বুলি প্ৰকাশ কৰিছে আফগান প্ৰতিৰক্ষা মন্ত্ৰণালয়ে ৷
লগতে পঢ়কঃক’ভিড-19ত আক্ৰান্ত বিজেপিৰ ৰাষ্ট্ৰীয় সভাপতি জে.পি নাড্ডা