তেজপুৰ,৭ জুন :মণিপুৰৰ ভাৰত-ম্যানমাৰ সীমান্তৰ মন জিলাৰ অন্তৰ্গত এক উগ্ৰপন্থীৰ অভিযানত অংশ গ্ৰহণ কৰি মৃত্যুক সাৱটি লোৱা মেজৰ ডেভিড মানলুনক দেওবাৰে ভাৰতীয় সেনাৰ তৰফৰ পৰা শ্ৰদ্ধাঞ্জলী জনোৱা হয় ।
উল্লেখযোগ্য যে, মেজৰ ডেভিড মানলুন ভাৰতীয় সেনাৰ এজন বীৰ যোদ্ধা আছিল । ২০১৭ চনৰ লাপা অভিযানত শ্বহীদ হৈছিল পৰাক্ৰমী বিষয়াজন ।
মেজৰ ডেভিড মানলুনৰ জন্ম হৈছিল ১৯৮৫ চনৰ ২৭ জুলাই তাৰিখে মণিপুৰৰ ইম্ফল চুৰাচান্দপুৰ জিলাত । সেনাৰ প্ৰাক্তন চুবেদাৰ এম খামজেলামৰ পুত্ৰ ডেভিডে আৰ্মি পাব্লিক স্কুলত পঢ়ি শ্বিলঙৰ চেণ্ট এণ্টনি কলেজৰ পৰা ২০০৬ ত আৰু ২০০৯ চনত চেন্নাইৰ অফিচাৰ ট্ৰেইনিং একাডেমীত যোগদান কৰিছিল ।
২০১৭ চনৰ লাপা অভিযানত প্ৰাণ আহুতি দিয়া মেজৰ ডেভিড মানলুনক শ্ৰদ্ধাঞ্জলী ইয়াৰ পিছতে বিষয়াজনে সামৰিক বাহিনীৰ দায়িত্বত নিজকে অৰ্পন কৰে । ২০১০ চনত নগা ৰেজিমেণ্টৰ প্ৰথম বেটেলিয়নত এগৰাকী সাহসী যোদ্ধা হিচাপে, আৰু নোগোম বেটেলিয়নত জম্মু-কাশ্মীৰত যোগ দি কেইবাটাও পৰাক্ৰমী অভিযানত পাৰদৰ্শিতা প্ৰদৰ্শন কৰিছিল বিষয়াজনে । পৰৱৰ্তী সময়ত হিমাচল প্ৰদেশৰ বাখলত কৰ্তব্য সম্পন্ন কৰি নাগালেণ্ডলৈ সেনাৰ ১৬৪ ইনফেন্তৰী বাহিনীৰ বেটেলিয়নত যোগদান কৰিছিল । ইয়াৰ পিছত ২০১৬ চনত সেনাবাহীনিৰ চিফ অব আৰ্মী ষ্টাফৰ কোমমেণ্ডেশ্যন পুৰস্কাৰ লাভ কৰিবলৈ সক্ষম হৈছিল সাহসী যোদ্ধা গৰাকীয়ে ।
২০১৭ চনৰ লাপা অভিযানত প্ৰাণ আহুতি দিয়া মেজৰ ডেভিড মানলুনক শ্ৰদ্ধাঞ্জলী উল্লেখযোগ্য যে, ২০১৭ চনৰ ২৩ জুনত নেচনেল চিকিউৰটি গাৰ্ডত ডেপুটেচনৰ বাবে প্ৰাৰম্ভিক পৰ্যায় আৰম্ভ কৰিবলগীয়া আছিল আৰু তাৰ আগমুহূৰ্তত এই যৌথ অভিযানত ভাগ লয় বিষয়াগৰাকীয়ে । উক্ত অভিযানতে বিষয়া গৰাকীয়ে সেনা বাহিনীৰ অভিযান কম্বাইণ্ড তিম অব পেৰা কামাণ্ডু আৰু ১৬৪ বেটিলিন টি এ ৰ পৰা আৰম্ভ হোৱা নাগালেণ্ডৰ উগ্ৰপন্থী সংগঠন (NNSCN K) এছ এছ খাপলাং গোট আৰু অসমৰ আলফা গোটৰ বিৰুদ্ধে অভিযান আৰম্ভ কৰে। দুইটা গোটে সেই সময়ত নাগালেণ্ড ৰ মন জিলাত অৱস্থান কৰি আছিল । উক্ত অভিযানৰ ঠাই আছিল নাগালেণ্ডৰ ৰাজধানী কহিমাৰ পৰা 325 কি মি , আৰু 25 কিলোমিটাৰ আঁতৰৰ ম্যানমাৰ সীমান্ত । মেজৰ ডেভিদে সমগ্ৰ টীম নেতৃত্বত দিছিল । উক্ত অভিযানতে প্ৰতিপক্ষৰ লগত হোৱা গুলীয়াগুলিত মেজৰ ডেভিড মানলুন আঘাট প্ৰাপ্ত হয় আৰু মৃত্যুক সাৱটি লয় ।
উল্লেখযোগ্য যে, বিৰোধীৰ অত্যাধুনিক অস্ত্ৰ আৰু গ্ৰেণেডৰ প্ৰত্যুত্তৰ দি উক্ত অভিযানৰ পৰা বৃহৎ পৰিমাণৰ অস্ত্ৰ, বোমা, আদি উদ্ধাৰ কৰিবলৈ সক্ষম হৈছিল বিষয়াগৰাকীয়ে ।
ইয়াৰ পিছতে মেজৰ ডেভিড মুনলুনক দেশৰ দ্বিতীয় শ্ৰেষ্ঠ মৰণোত্তৰ সন্মান "কৃতি চক্ৰ", প্ৰদান কৰা হয় ।
লগতে পঢ়ক : মানকাচৰত আৰক্ষীৰ জালত বাংলাদেশী সৰবৰাহকাৰী
