নেশ্যনেল ডেস্ক, ১৮ জুন : ওড়িশাৰ জগতসিংপুৰ জিলাৰ প্ৰতিষ্ঠানিক কোৱাৰেণ্টাইন কেন্দ্ৰৰ থকাৰ ম্যাদ উকলি যোৱা হেতুকে তামিল নাডুত কৰ্মৰত আৰু ওড়িশা নিৱাসী এগৰাকী ২৮ বছৰীয়া লোকে এটা শৌচালয় ভিতৰত ৭ দিনলৈ কোৱাৰেণ্টাইন হৈ থাকিবলৈ বাধ্য হয় ।
চৰকাৰী বিষয়াই জনোৱা মতে,চৰকাৰৰ দ্বাৰা নিৰ্ধাৰিত হোৱা এই কোৱাৰেণ্টাইন কেন্দ্ৰটোৰ কোৱাৰেণ্টাইন ম্য়াদ উকলি যোৱাৰ বাবে লোকজনে নুৱাগাঁও ব্লকৰ জামুগাঁৱৰ নিজ ঘৰৰ সমীপৰ শৌচালয়ত কোৱাৰেণ্টাইন হৈ থাকিবলগীয়া হয় । কিয়নো তেওঁৰ ঘৰতো আইশ্বলেচৰ বাবে পৰ্যাপ্ত পৰিমাণৰ ঠাই নাছিল ।
তামিলনাডুৰ এটা কোম্পানীত কৰ্মৰত মানস পাত্ৰ নামৰ লোকজনক সুতুকন্দী স্কুলত চৰকাৰৰ নিৰ্দেশ অনুসৰি অস্থায়ী শিবিৰত ভৰ্তি কৰোৱাৰ পিছত ৭ দিনৰ বাবে ছুটী দিছিল মানস পাত্ৰক । টি এম চিত ৭ দিন থকাৰ পিছত ৰাজ্য চৰকাৰে তেওঁক পুনৰ ঘৰুৱাভাৱে আইশ্বলেচনত থাকিবলৈ নিৰ্দেশ দিয়া হৈছিল ।
উল্লেখ্য যে, মানস পাত্ৰই টি এম চিত তেওঁৰ কোৱাৰেণ্টাইনৰ সময়সীমা বঢ়াই দিবলৈ অনুৰোধ জনাইছিল, কিয়নো ৬ জন সদস্য থকা তেওঁৰ বাসগৃহত আইশ্বলেচনৰ সুবিধা নাই । কিন্তু তেওঁক এই অনুমতি দিয়া নহ'ল । উপায়হীন হৈ মানস পাত্ৰই ঘৰৰ সমীপত নিৰ্মাণ কৰা স্বচ্ছ ভাৰতৰ শৌচালয় এটাকে আইশ্বলেচন কোঠা হিচাপে গ্ৰহণ কৰিবলৈ বাধ্য হয় । নৱ নিৰ্মিত শৌচালয়টোত তেওঁ ৯ৰ পৰা ১৫ জুনলৈ ৭ দিন আইশ্বলেচন হিচাপে অতিবাহিত কৰা বুলি জানিব পৰা গৈছে । বৰ্তমান মানসক আইশ্বলেচনৰ পৰা মুক্ত কৰি দিয়া বুলি জামুগাঁও পঞ্চায়তে সদৰী কৰে এই কথা ।