নিউজ ডেস্ক, 16 মাৰ্চ : নিউজিলেণ্ডত সন্ত্ৰাসবাদীৰ আক্ৰমণৰ পাচতেই সন্ধানহীন 9 জনকৈ ভাৰতীয় নাগৰিক৷ শুকুৰবাৰে নিউজিলেণ্ডৰ খ্ৰীষ্টচাৰ্চৰ দুটাকৈ মছজিদত সন্ত্ৰাসবাদীয়ে সংঘটিত কৰা গুলীচালনাৰ পাচৰে পৰা সন্ধানহীন হৈ আছে ভাৰতীয় লোককেইজন৷
সন্ধানহীন হৈ থকা ভাৰতীয় লোককেইজনৰ সন্ধান উলিয়াবলৈ স্থানীয় প্ৰশাসনৰ লগত ভাৰতে ইতিমধ্যেই আৰম্ভ কৰিছে দ্বৈত আলোচনা৷ অচিৰেই এই সন্দৰ্ভত অধিক তথ্য লাভ কৰাৰ কথা টুইটাৰ যোগে প্ৰকাশ কৰে ভাৰতীয় বৈদেশিক মন্ত্ৰণালয়ৰ মুখপাত্ৰ ৰৱীশ কুমাৰে৷ প্ৰধানমন্ত্ৰী মোডী,বৈদেশিক মন্ত্ৰী সুষমা স্বৰাজৰ লগতে বহু ৰাজনীতিবিদ তথা বিশিষ্ট ব্যক্তিয়ে নিউলিলেণ্ডৰ দুখঃজনক ঘটনাৰ শোক প্ৰকাশ কৰে৷
newzeland attack