72 ঘন্টাৰ বাবে প্ৰজ্ঞা সিং ঠাকুৰলৈ নিৰ্বাচন আয়োগৰ নিষেধাজ্ঞা জাৰি

বাবৰী মছজিদ ধ্বংস আৰু প্ৰাক্তন সন্ত্ৰাস বিৰুধী স্কোৱাদৰ মুৰব্বী হেমন্ত কাৰকাৰেৰ বিষয়ে বিজেপি প্ৰাৰ্থী গৰাকীয়ে বিতৰ্কিত মন্তব্য কৰাৰ বাবে নিৰ্বাচন আয়োগে এই নিষেধাজ্ঞা জাৰি কৰে ৷

নিউজ ডেস্ক , 02 মে' : বুধবাৰে নিৰ্বাচন আয়োগে ভূপালৰ বিজেপি প্ৰাৰ্থী সাধৱী প্ৰজ্ঞা সিং ঠাকুৰক 72 ঘন্টাৰ বাবে নিৰ্বাচনী প্ৰচাৰ চলাবলৈ নিষেধাজ্ঞা জাৰি কৰে ৷ বাবৰী মছজিদ ধ্বংস আৰু প্ৰাক্তন সন্ত্ৰাস বিৰুধী স্কোৱাদৰ মুৰব্বী হেমন্ত কাৰকাৰেৰ বিষয়ে বিজেপি প্ৰাৰ্থী গৰাকীয়ে বিতৰ্কিত মন্তব্য কৰাৰ বাবে নিৰ্বাচন আয়োগে এই নিষেধাজ্ঞা জাৰি কৰে ৷

নিৰ্বাচন আয়োগে সাধৱী প্ৰজ্ঞা সিঙৰ এনে কাৰ্যক গৰিহণা দি আগলৈ এনে দুৰ্বব্যৱহাৰ নকৰিবলৈ সকীয়নি দিয়ে ৷ 2 মে'ৰ পুৱা 6 বজাৰ পৰা এই নিষেধাজ্ঞা বলবৎ হ'ব ৷ উল্লেখ্য যে বিজেপি প্ৰাৰ্থী প্ৰজ্ঞাই মন্তব্য কৰিছিল যে, 26/11ৰ মুম্বাই সন্ত্ৰাসবাদী আক্ৰমণত প্ৰজ্ঞাৰ অভিশাপৰ বাবে প্ৰাক্তন সন্ত্ৰাস বিৰুধী স্কোৱাদৰ মুৰব্বী হেমন্ত কাৰকাৰেৰ মৃত্যু হৈছিল ৷ মেলাগাওঁ বিষ্ফোৰণ কাণ্ডত প্ৰজ্ঞা জড়িত থকা বুলি কাৰকাৰেয়ে তেওঁক অত্যাচাৰ কৰাৰ বাবে প্ৰজ্ঞায়ে কাৰকাৰেক অভিশাপ দিয়ে বুলি মন্তব্য কৰিছিল বিজেপি প্ৰাৰ্থী গৰাকীয়ে ৷ ইয়াৰোপৰিও তেখেতে কৈছিল যে 1992 চনত আযোধ্যাত বাবৰি মছজিদ ধ্বংসৰ লগত জড়িত থাকিব পাই তেওঁ গৌৰৱ অনুভৱ কৰে ৷