নিউজ ডেস্ক,17 জুলাই : বৃহস্পতিবাৰে দুপৰীয়া মুম্বাইৰ ফ'ৰ্ট অঞ্চলত সংঘটিত হয় এক ভয়ংকৰ ঘটনা ৷ এটা অট্টালিকা খহি পৰাৰ বাবে অতি কমেও 5 জনকৈ লোক নিহত হোৱাৰ লগতে আহত হয় 23 গৰাকীকৈ লোক ৷ আহত সকলক ততাতৈয়াকৈ উদ্ধাৰ কৰি চিকিৎসালয়ত ভৰ্তি কৰাইছে প্ৰশাসনৰ লোকে ৷ নিহত সকলৰ মাজৰ তিনিজনক ক্ৰমে জখনা গুপ্তা(70), কুসুম গুপ্তা(45), আৰু পদুমলাল গুপ্তা 60) বুলি চিনাক্ত কৰিছে প্ৰশাসনে ৷
উল্লেখ্য যে, উক্ত ঘটনাতো সংঘটিত হোৱাৰ কিছুসময়ৰ পাচতে ঘটনাস্থলীত উপস্থিত হৈ আৱদ্ধ সকলৰ উদ্ধাৰ অভিযান আৰম্ভ কৰে মুম্বাই আৰক্ষী আৰু এন ডি আৰ এফ বাহিনীৰ এটা দলে ৷ লগতে ঘটনাস্থলীত উপস্থিত হয় 14 খনকৈ অগ্নিনিৰ্বাপক বাহিনীৰ বাহন ৷ ইয়াৰ কিছুসময়ৰ পাচতে ঘটনাস্থলীত উপস্থিত হৈ সমগ্ৰ ঘটনা সন্দৰ্ভত বুজ লয় মহাৰাষ্ট্ৰৰ মুখ্যমন্ত্ৰী উদ্ধৱ থাকৰেয়ে ৷ উল্লেখ্য যে, ইয়াৰ পূৰ্বে বুধবাৰে চহৰ খনৰ পাভৱালা পথত এটা অট্টালিকাৰ এটা অংশ খহি পৰাৰ বাবে আহত হৈছিল দুজনকৈ লোক ৷
লগতে পঢ়কঃ এয়াৰ বাবলছ চুক্তিৰ অধীনত আজিৰে পৰা আৰম্ভ আন্তঃৰাষ্ট্ৰীয় বিমানসেৱা