মালবাহী ৰে'লৰ চেপাত উত্তৰ প্ৰদেশত ৪ গৰাকীকৈ লোকৰ মৃত্যু

মালবাহী ৰে'লৰ চেপাত উত্তৰ প্ৰদেশৰ চান্দৌলীত ৪ গৰাকীকৈ লোকৰ মৃত্যু হয় । ঘটনাস্থলীত আৰক্ষীৰ লোক উপস্থিত হৈ মৃতদেহ কেইটা মৰণোত্তৰ পৰীক্ষাৰ বাবে প্ৰেৰণ কৰে ।

নেশ্যনেল ডেস্ক, ২৭ মে': উত্তৰ প্ৰদেশৰ চান্দৌলীত মালবাহী ৰে'লৰ চেপাত প্ৰাণ হেৰুৱায় ৪ গৰাকীকৈ লোকে ।

প্ৰাপ্ত তথ্য অনুসৰি, সদৰ কোটৱালী এলেকাৰ হিনৌতা গাঁৱৰ কাষৰীয়া ডাউন লাইনত ডীডীইউ জংচনৰ পৰা চান্দৌলী অভিমুখে গতি কৰা এখন মালবাহী গাড়ীৰ চেপাত এই ঘটনা সংঘটিত হয় । ঘটনাৰ পিচতে ৰে'লখনৰ চালকে ততাতৈয়াকৈ নিয়ন্ত্ৰণ কক্ষত খবৰ দিয়ে ।

খবৰ পোৱাৰ পিচতে ৰে'লৱে আৰক্ষী আৰু ৰে'লৱে সুৰক্ষা বাহিনীৰ সৈতে কোটৱালী আৰক্ষীৰ লোক ঘটনাস্থলীত উপস্থিত হয় ।

চাৰিও গৰাকী ভুক্তভোগীৰ মৃতদেহ মৰণোত্তৰ পৰীক্ষআৰ বাবে প্ৰেৰণ কৰে আৰক্ষীয়ে । আৰক্ষীয়ে জানিবলৈ দিয়া অনুসৰি, ঘটনা সন্দৰ্ভত ইতিমধ্যে তদন্ত আৰম্ভ কৰা হৈছে ।