ত্ৰিপুৰাত নতুনকৈ 13 গৰাকী কৰ'ণাত আক্ৰান্ত ৰোগী চিনাক্ত

মঙলবাৰে নিশা মুঠ 13 জনৰ শৰীৰত ধৰা পৰিল COVID-19ৰ উপস্থিতি

কৰিমগঞ্জ,6 মে'ঃত্ৰিপুৰাত পুনৰ বৃদ্ধি পালে কৰ'ণাত আক্ৰান্ত ৰোগীৰ সংখ্যা ৷ ধলাই জিলাৰ আমবাছা 138 নং বিএছএফ ইউনিটৰ জোৱান আক্ৰান্ত হৈছে COVID-19ত ৷ চাৰিদিনত সৰ্বমুঠ 40 জন জোৱানৰ শৰীৰত ধৰা পৰিল COVID-19ৰ উপস্থিতি ৷ মঙলবাৰে নিশা 12 জন জোৱানৰ লগতে এগৰাকী ৰান্ধনিৰ শৰীৰত ধৰা পৰিল কৰ'ণা ভাইৰাছৰ উপস্থিতি ৷ ত্ৰিপুৰাত এতিয়ালৈ কৰ'ণাত আক্ৰান্তৰ সংখ্যা বৃদ্ধি পাইছে 42 গৰাকীলৈ ৷ টুইটাৰ যোগে এই তথ্য সদৰি কৰিলে ত্ৰিপুৰাৰ মুখ্যমন্ত্ৰী বিপ্লৱ দেৱে ।

ইয়াৰে পূৰ্বে আক্ৰান্ত দুজন সুস্থ হৈ নিজ ঘৰলৈ উভতি গৈছে । প্ৰথম আক্ৰান্ত দুজন আগৰতলাৰ জি.বি হাস্পতালত চিকিৎসাধীন ৷ ইফালে ৰাজ্যবাসীক আতংকিত নোহোৱাৰ বাবে আহ্বান জনাইছে মুখ্যমন্ত্ৰী বিপ্লৱ কুমাৰ দেৱে ৷