তামিলনাডু: চৰকাৰী স্কুলৰ 10 শতাংশ শিক্ষাৰ্থীৰ বাবে সংৰক্ষিত থাকিব MBBSৰ আসন

প্ৰথম শ্ৰেণীৰ পৰা দ্বাদশ শ্ৰেণীলৈ চৰকাৰী বিদ্যালয়লৈ পঢ়াৰ লগতে NEET আৰু প্ৰৱেশ পৰীক্ষাত উত্তীৰ্ণ হোৱা শিক্ষাৰ্থীৰ বাবে সংৰক্ষিত হ'ব 10 শতাংশ MBBS ৰ আসন ।

নিউজ ডেস্ক, 15 জুনঃ তামিলনাডু কেবিনেটে সোমবাৰে এক গুৰুত্বপূৰ্ণ সিন্ধান্ত গ্ৰহণ কৰে । এই সিন্ধান্ত অনুসৰি ৰাজ্যখনৰ চৰকাৰী স্কুলৰ ছাত্ৰ-ছাত্ৰীৰ বাবে MBBS পাঠ্যক্ৰমত সংৰক্ষণ কৰা হ'ব 10 শতাংশ আসন ।

তামিলনাডুৰ মুখ্যমন্ত্ৰীৰ অধ্যক্ষতাত অনুষ্ঠিত কেবিনেটৰ সভাত এই সিন্ধান্ত লোৱা হৈছে । সিন্ধান্ত অনুসৰি যি সকল চৰকাৰী স্কুলৰ ছাত্ৰ-ছাত্ৰীয়ে প্ৰথম শ্ৰেণীৰ পৰা দ্বাদশ শ্ৰেণীলৈ পঢ়াৰ লগতে NEETৰ লগতে প্ৰৱেশ পৰীক্ষাত উত্তীৰ্ণ হ'ব তেনে ছাত্ৰ-ছাত্ৰী সকলৰ বাবে 10 শতাংশ আসন সংৰক্ষণ কৰা হ'ব ।