দুপৰীয়া 1 বজাৰ দহটা শীৰ্ষ বাতৰি

দুপৰীয়া 1 বজাৰ দহটা শীৰ্ষ বাতৰি...

চৰ উন্নয়ন আৰু সংখ্যালঘু পৰিক্ৰমা বিভাগৰ প্ৰাক্তন মন্ত্ৰী দিলদাৰ ৰেজ্জাৰ বিয়োগ ৷ গুৱাহাটী ইন্টাৰনেশ্যনেল হাস্পতালৰ আই চি ইউত চিকিৎসাধীন হৈ আছিল প্ৰাক্তন মন্ত্ৰীগৰাকী ৷ দীৰ্ঘদিনৰ পৰা মধুমেহ আৰু বৃক্ক জনিত ৰোগত ভূগি আছিল দিলদাৰ ৰেজ্জা ৷

ভাৰতত 59,92,532 গৰাকী লোকলৈ বৃদ্ধি পালে কৰ'ণাৰ সংক্ৰমণ ৷ ইয়াৰ বিপৰীতে কৰ'ণাত আক্ৰান্ত হৈ মৃত্যু হোৱা লোকৰ সংখ্যা বৃদ্ধি পালে 94,503 গৰাকীলৈ ৷ কেন্দ্ৰীয় স্বাস্থ্য মন্ত্ৰণালয়ে উল্লেখ কৰে এই তথ্য ৷

ডকাইতি কৰিবলৈ আহি চোপ লৈ থকা অৱস্থাত বৰপেটা আৰক্ষীয়ে আটক কৰে তিনিটা ডকাইত ৷ জব্দ সজীৱ গুলিসহ পিষ্টল ৷ এই অভিযানৰ মাজতে চাৰিচকীয়া বাহনসহ আন তিনিটা ডকাইত আন্ধাৰৰ সুযোগ লৈ পলায় সাৰে ৷

গোলাগাটত দুই যুৱকৰ ৰহস্যজনক কাণ্ড ! ধন নিদিয়াকৈ কুৰিয়াৰত অহা বিশেষ নোট লৈ পলায়ন কৰিলে যুৱক দুজনে ৷ কুৰিয়াৰ চাৰ্ভিচৰ কৰ্মচাৰীৰ অভিযোগৰ পাছতেই আৰক্ষীয়ে আটক কৰে দুয়োকে ৷ যুৱক দুজনৰ পৰা জব্দ ড্ৰাগছ সহ ২৪ হাজাৰ খন এটকীয়া নোট ৷

ব্ৰহ্মপুত্ৰৰ জলস্তৰ বৃদ্ধিৰ বাবে পুনৰ বন্ধ কৰি দিয়া হ’ল যোৰহাটৰ নিমাতীঘাত ফেৰী সেৱা ৷ ইতিমধ্যে নিমাতীঘাটৰ সকলো ব্যৱসায়িক প্ৰতিষ্ঠান বন্ধ কৰি দিয়া হৈছে ৷

ভাৰতীয় ৰাজনীতিৰ এক বৰ্ণিল যুগৰ অৱসান ৷ দেশৰ প্ৰাক্তন কেন্দ্ৰীয় প্ৰতিৰক্ষা, বিত্ত তথা বৈদেশিক পৰিক্ৰমা মন্ত্ৰী যশৱন্ত সিঙৰ দেওবাৰে দেহাৱসান ঘটে ৷

কাৰ্তিক ডেকাৰ গাওঁখনৰ বহু লোকে বৰ্তমান সময়তো প্ৰধানমন্ত্ৰী আৱাস যোজনাৰ গৃহ লাভ কৰি আহিছে যদিও কাৰ্তিকৰ পৰিয়ালটোৱে আজিলৈকে এটা চৰকাৰী আৱাসগৃহ লাভ কৰিবলৈ সক্ষম নহ’ল ।

নতুন কৌশলেৰে এ টি এমৰ ধন লুট বহিঃৰাজ্যৰ যুৱকৰ । বশিষ্ঠ আৰক্ষীৰ এক খবৰৰ ভিত্তিত জালুকবাৰী আৰক্ষীৰ এটা দলে অভিযান চলাই স্কুটীসহ কৰায়ত্ব কৰে দুই আন্তঃৰাষ্ট্ৰীয় এ টি এম হেকাৰক ।

অসম আৰক্ষীৰ উপ-পৰিদৰ্শকৰ নিযুক্তি কেলেংকাৰীৰ মূল অভিযুক্ত পে কে দত্ত আমিনগাঁৱৰ সংকট মোচন সেৱাশ্ৰমত আত্মগোপন কৰাৰ সন্দেহ কামৰূপ জিলা আৰক্ষীৰ ৷ তাৰ পৰিপ্ৰেক্ষিততে কামৰূপ জিলাৰ অতিৰিক্ত আৰক্ষী অধীক্ষক সঞ্জীৱ শইকীয়াৰ নেতৃত্বত আৰক্ষীৰ এটা দলে পি কে দত্তৰ সন্ধানত আশ্ৰমখনত চলায় অভিযান ৷

এজন প্ৰতিশ্ৰুতি সম্পন্ন ফুটবলাৰ । ভাৰতীয় ফুটবল প্ৰেমীৰ মাজত জনপ্ৰিয় তেওঁ । ভাৰতীয় ফুটবলক প্ৰতিনিধিত্ব কৰি বহিঃৰাষ্ট্ৰত দুভৰিৰ যাদু প্ৰদৰ্শনৰে ৰাজ্যখনলৈ গৌৰৱ কঢ়িয়াই আনিছে ।