মিজোৰামত জব্দ ৩ কোটিৰ টকাৰ নিষিদ্ধ হেৰ'ইন

মিজোৰামত ড্ৰাগছৰ বিৰুদ্ধে অসম ৰাইফলছ আৰু নাৰ্ক'টিক বিভাগৰ যুটীয়া অভিযানত জব্দ কৰা হয় বৃহৎ পৰিমাণৰ নিষিদ্ধ হেৰ'ইন । জব্দ কৰা হেৰ'ইনখিনিৰ বজাৰ মূল্য হ'ব প্ৰায় ৩ কোটি ১৫ হাজাৰ টকা ।

নিউজ ডেস্ক,১৪ ফেব্ৰুৱাৰী: দেশৰ ভিন্ন প্ৰান্তত নিষিদ্ধ ড্ৰাগছৰ বিৰুদ্ধে আৰক্ষীৰ অভিযান অব্যাহত আছে । এইবাৰ মিজোৰামত ড্ৰাগছৰ বিৰুদ্ধে বৃহৎ অভিযান অসম ৰাইফলছৰ ।

অসম ৰাইফলছৰ মুখ্য় কাৰ্যালয়ৰ মহাপৰিদৰ্ষকৰ নেতৃত্বত অসম ৰাইফলছৰ আইজল বেটেলিয়ান, এফ আই টি লগতে আবকাৰী আৰু নাৰ্ক'টিক্স বিভাগৰ যুটীয়া অভিযানত জব্দ কৰা হয় বৃহৎ পৰিমাণৰ নিষিদ্ধ হেৰ'ইন । ১৩ ফেব্ৰুৱাৰী নিশা মিজোৰামৰ হনথিয়ালত চলা অভিযানত জব্দ কৰা হয় ৬৬৭ গ্ৰাম হেৰ'ইন ।

জানিব পৰা মতে, জব্দ কৰা হেৰ'ইনখিনিৰ বজাৰ মূল্য হ'ব প্ৰায় ৩ কোটি ১৫ হাজাৰ টকা । ঘটনাৰ লগত জড়িত এজন ব্যক্তিকো আটক কৰে অভিযানকাৰী দলটোৱে । আটক কৰা ব্যক্তিগৰাকী ম্যানমাৰৰ ৰাংকাপ বুলি জানিব পৰা গৈছে ।

লগতে পঢ়ক:ভয়ংকৰ বিস্ফোৰণৰ পৰা কথমপি ৰক্ষা পৰিল জন্মু