নেশ্যনেল ডেস্ক, 13 জুন : বৰ্তমানেও অনিয়ন্ত্ৰিত অৱস্থাত আছে মণিপুৰৰ পৰিস্থিতি ৷ মণিপুৰৰ পৰিস্থিতি সন্দৰ্ভত অহা 14 জুনত নতুন দিল্লীত গৃহমন্ত্ৰী অমিত শ্বাহক সাক্ষাৎ কৰাৰ সম্ভাৱনা আছে অসমৰ মুখ্যমন্ত্ৰী হিমন্ত বিশ্ব শৰ্মাই । মুখ্যমন্ত্ৰীৰ ঘনিষ্ঠ সূত্ৰই ইটিভি ভাৰতক জনোৱা মতে, এই বৈঠকৰ সময়ত শৰ্মাই মণিপুৰৰ বৰ্তমানৰ পৰিস্থিতি সন্দৰ্ভত শ্বাহক অৱগত কৰিব ।
উল্লেখ্য যে, শৰ্মাই শেহতীয়াকৈ মণিপুৰ ভ্ৰমণ কৰি ইম্ফলত মুখ্যমন্ত্ৰী এন বীৰেণ সিঙকে ধৰি ৰাজ্যখনৰ অন্যান্য মন্ত্ৰীৰ সৈতে মত বিনিময় কৰিছে । নৰ্থ ইষ্ট ডেম’ক্ৰেটিক এলায়েন্স চমুকৈ নেডাৰ আহ্বায়ক হিচাবে থকা অসমৰ মুখ্যমন্ত্ৰী শৰ্মাক গৃহমন্ত্ৰী অমিত শ্বাহে মণিপুৰ ভ্ৰমণ কৰি পৰিস্থিতি নিয়ন্ত্ৰণৰ বাবে প্ৰয়োজনীয় ব্যৱস্থা গ্ৰহণৰ কৰিবলৈ নিৰ্দেশ প্ৰদান কৰিছে । মণিপুৰৰ বহু জনগোষ্ঠীয় জনগোষ্ঠী আৰু ৰাজনৈতিক নেতাৰ মাজত শৰ্মাৰ প্ৰভাৱ আছে । মণিপুৰ ভ্ৰমণৰ অন্তত শৰ্মাই অৱগত কৰে যে তেওঁ দিল্লীত গৃহমন্ত্ৰীক সাক্ষাৎ কৰি ৰাজ্যৰ বৰ্তমানৰ পৰিস্থিতিৰ বিষয়ে অৱগত কৰিব । ইফালে ৰাজ্যত শান্তি সমিতি গঠনক লৈ বিতৰ্কৰ সৃষ্টি হোৱা পৰিলক্ষিত হৈছে ।
একাংশ সদস্যই তেওঁলোকৰ সৈতে কোনো ধৰণৰ আলোচনা নকৰাকৈয়ে তেওঁলোকৰ নাম কমিটীত অন্তৰ্ভুক্ত কৰা বুলি অভিযোগ উত্থাপন কৰিছে ৷ ইয়াৰোপৰি, মণিপুৰৰ মুখ্যমন্ত্রীক কমিটীৰ সহ-অধ্যক্ষ হিচাবে নিযুক্তি দিয়াটো আপত্তিজনক বিষয় বুলি একাংশ শাখাই উল্লেখ কৰে ৷ 51 জনীয়া শান্তি সমিতিত মুখ্যমন্ত্ৰী এন বীৰেণ সিঙৰ অন্তৰ্ভুক্তিক গৰিহণা দি খিলঞ্জীয়া জনজাতি নেতা মঞ্চই হিংসাত্মক পৰিস্থিতিৰ বাবে ৰাজ্যখনৰ মুখ্যমন্ত্ৰীগৰাকী দোষী বুলি অভিযোগ কৰে ৷ উল্লেখ্য যে, মুখ্যমন্ত্ৰীক কমিটীৰ সহ-অধ্যক্ষ হিচাপে নিযুক্তি দিয়াটো আপত্তিজনক বুলি বিভিন্ন দল-সংগঠনে আপত্তি দৰ্শাইছে ।