নেশ্যনেল ডেস্ক, 3 জানুৱাৰী : ভাৰতীয় প্ৰত্নতাত্ত্বিক জৰীপ সংস্থাই ১৮ ডিচেম্বৰত বাৰাণসী জিলা আদালতত 2 নৱেম্বৰলৈকে জ্ঞানবাপী মছজিদত চলা বৈজ্ঞানিক জৰীপৰ প্ৰতিবেদন দাখিল কৰে । ইয়াৰ পিচতে এতিয়া, এই প্ৰতিবেদনখন ৰাজহুৱা কৰাৰ বাবে এতিয়া আদালতত গোচৰ অব্যাহত আছে ৷
ইয়াৰে মুছলমান সম্প্ৰদায়ৰ পক্ষই মছজিদটোৰ ভিতৰত কি তথ্য উলাইছে সেয়া ৰাজহুৱা কৰাৰ বিৰোধিতা কৰে যদিও আনহাতে হিন্দু পক্ষই ইয়াক ৰাজহুৱা কৰিবলৈ দাবী জনাইছে আৰু আদালতত আবেদনো দিছে । যাৰ ওপৰত আজি আদালতত সিদ্ধান্ত হোৱাৰ সম্ভাৱনা আছে ৷
প্ৰকৃততে যেৱা 21 জুলাইত বাৰাণসী জিলা আদালতৰ নিৰ্দেশৰ পিচত, জ্ঞানৱাপী কমপ্লেক্সত ভাৰতীয় পুৰাতাত্ত্বিক জৰীপৰ দলটোৱে জৰীপ কাৰ্য আৰম্ভ কৰিছিল। প্ৰায় 90 দিন ধৰি চলি থকা এক জৰীপৰ পিচত, দলটোৱে যোৱা 2 নৱেম্বৰত জৰীপৰ কাম সমাপ্ত কৰিছিল ৷ তাৰ পিচতেই প্ৰতিবেদন দাখিল কৰিবলৈ তাৰিখ বিচাৰিছিল । প্ৰতিবেদনখন তিনিটা পৃথক পৰ্যায়ত প্ৰস্তুত কৰা হৈছিল ৷ এই প্ৰতিবেদন প্ৰস্তুত কৰাৰ বাবে হায়দৰাবাদ দলে লণ্ডনৰ বিশেষ ৰাডাৰ প্ৰযুক্তি বিশেষজ্ঞৰ সহায় লৈছিল ।
ইয়াৰ মুখ্য কাৰণ আছিল যে মেগাহাৰ্জৰ তদন্ত প্ৰতিবেদন প্ৰস্তুত কৰাৰ প্ৰণালী ভাৰতত উপলব্ধ নাছিল, যাৰ বাবে লণ্ডনৰ বিশেষজ্ঞসকলেও ইয়াৰ ওপৰত তেওঁলোকৰ মতামত প্ৰদান কৰি প্ৰতিবেদনখন প্ৰস্তুত কৰিছিল । প্ৰতিবেদন দাখিল কৰাৰ পিচত, এতিয়া ইয়াক ৰাজহুৱা কৰাৰ বাবে যুঁজ চলি আছে ।
হিন্দু পক্ষৰ অধিবক্তা বিষ্ণু শংকৰ জৈনে কয় যে যদি ন্যায়ালয়ে প্ৰতিবেদনখন ৰাজহুৱা কৰাৰ নিৰ্দেশ নিদিয়ে, তেন্তে আমি আজি উচ্চতম ন্যায়ালয়ত ইয়াৰ বাবে আবেদন কৰিম, কিয়নো উচ্চতম ন্যায়ালয়ে প্ৰতিবেদনখন বন্ধ খামত দাখিল কৰাৰ কথা উল্লেখ কৰা নাছিল ৷ আনহাতে ভাৰতীয় পুৰাতাত্ত্বিক জৰীপ দলটোৱে প্ৰতিবেদন দাখিল কৰিবলৈ চীল কৰা কৌশল ব্যৱহাৰ কৰিছে।
ভাৰতীয় পুৰাতাত্ত্বিক জৰীপ দলটোৱে বগা কাপোৰত মেৰিয়াই থোৱা প্ৰায় 1000 পৃষ্ঠাৰ এক বন্ধ প্ৰতিবেদন দাখিল কৰিছে, আনহাতে হালধীয়া খাম এখনত অনুসন্ধানৰ সময়ত ভিতৰত পোৱা 250 টা বস্তু আৰু অৱশিষ্টৰ তথ্যও তালিকাভুক্ত কৰা হৈছে আৰু জিলা দণ্ডাধীশক হস্তান্তৰ কৰা হৈছে ৷ সম্প্ৰতি সামগ্ৰীসমূহ ৱেৰহাউচত সুৰক্ষিত কৰি ৰখা হৈছে । বৰ্তমান, মুছলমান পক্ষই ইয়াৰ বিৰোধিতা কৰি প্ৰতিবেদনখন ৰাজহুৱা নকৰিবলৈ দাবী জনাই আদালতত আবেদন দাখিল কৰিছে।
লগতে পঢ়ক:জ্ঞানবাপী মছজিদ জৰীপৰ প্ৰতিবেদন দাখিল; ২১ ডিচেম্বৰত শুনানি
