নিউজ ডেস্ক, ১৩ জুলাই : প্ৰধানমন্ত্ৰী নৰেন্দ্ৰ মোদীৰ ডিগ্ৰী প্ৰসংগত দিল্লীৰ মুখ্যমন্ত্ৰী অৰবিন্দ কেজৰিৱালৰ বক্তব্য সন্দৰ্ভত বৃহস্পতিবাৰে এক ডাঙৰ খবৰ ওলাইছে । গুজৰাট বিশ্ববিদ্যালয়ে অৰবিন্দ কেজৰিৱালৰ বিৰুদ্ধে মেট্ৰ' আদালতত মানহানিৰ গোচৰ ৰুজু কৰিছে । আনহাতে, কেজৰিৱালৰ অধিবক্তাই আদালতক জনাইছে যে ডিগ্ৰী গোচৰত উচ্চ ন্যায়ালয়ৰ পুনৰীক্ষণ আবেদনৰ পিছত বিষয়টো সন্দৰ্ভত বিতৰ্ক হোৱা উচিত । ইফালে আবেদনকাৰীৰ অধিবক্তাই গোচৰটোৰ বিৰোধিতা কৰিছে । আদালতে এই কথাত জোৰ দিয়ে যে সাংসদ-বিধায়কৰ বিৰুদ্ধে গোচৰৰ শুনানি সোনকালেই হ'ব লাগে । এই ক্ষেত্ৰত আদালতে কেজৰিৱাল আৰু সঞ্জয় সিঙক ২৬ জুলাইত আদালতত হাজিৰ হ'বলৈ নিৰ্দেশ দিছে ।
অৱশ্যে অৰবিন্দ কেজৰিৱাল বা সঞ্জয় সিং আদালতত উপস্থিত থাকিবনে নাই সেই বিষয়ে জানিব পৰা হোৱা নাই । উল্লেখ্য যে বিগত শুনানিৰ সময়ত আম আদমী পাৰ্টীৰ ৰাষ্ট্ৰীয় আহ্বায়ক তথা দিল্লীৰ মুখ্যমন্ত্ৰী অৰবিন্দ কেজৰিৱালে গোচৰটোৰ শুনানিৰ সময়লৈকে সকাহ বিচাৰি আদালতত আবেদন দাখিল কৰিছিল ।
ইয়াৰ লগতে গোচৰটোৰ শুনানিৰ দিনা তেওঁৰ অধিবক্তা উপস্থিত থাকিব । অৱশ্যে আবেদনকাৰীৰ অধিবক্তাই এই কথাত আপত্তি জনাইছে । আবেদনকাৰী গুজৰাট বিশ্ববিদ্যালয়ৰ অধিবক্তা অমিত নায়াৰে কৈছে যে অৰবিন্দ কেজৰিৱালক অভিযোগকাৰীৰ সকলো নথি-পত্ৰ দাখিল কৰিবলৈ কোৱা হৈছে । তেওঁলোকৰ ফালৰ পৰা এটা প্ৰতিলিপিও দিয়া হৈছে । কিন্তু আদালতে প্ৰশ্ন কৰে যে অভিযুক্তসকল কিয় উপস্থিত নাছিল ? অভিযুক্তসকল উপস্থিত নথকাৰ বাবে তেওঁলোকৰ তৰফৰ পৰাও বিষয়টোত আপত্তি জনায় । ইয়াৰ লগতে শুনানিৰ সময়ত ন্যায়ালয়ে সাংসদ-বিধায়কৰ গোচৰৰ দ্ৰুত শুনানিৰ ওপৰতো গুৰুত্ব আৰোপ কৰে ।
উল্লেখ্য যে উচ্চতম ন্যায়ালয়ৰ নিৰ্দেশ অনুসৰি উচ্চ ন্যায়ালয়েও চুও-মটো সন্দৰ্ভত সাংসদ-বিধায়কৰ গোচৰৰ দ্ৰুত শুনানিৰ নিৰ্দেশ দিছে । আনহাতে, দিল্লী উচ্চ ন্যায়ালয়ে মঙলবাৰে প্ৰধানমন্ত্ৰী নৰেন্দ্ৰ মোদীৰ বিৰুদ্ধে নতুন দিল্লীত ডিগ্ৰী লাভৰ তথ্য বিচাৰি দাখিল কৰা এক আৰটিআই প্ৰশ্ন খাৰিজ কৰে । অৱশ্যে বৰ্তমান এই গোচৰটোৰ ৰায়ৰ ওপৰত সকলোৰে দৃষ্টি নিবদ্ধ আছে । এই ৰায় গুজৰাট বিশ্ববিদ্যালয়ৰ সপক্ষে আহে নে কেজৰিৱালৰ সপক্ষে আহে সেইটোৰ ওপৰত এতিয়া সকলোৰে দৃষ্টি নিবদ্ধ হৈ আছে ।
লগতে পঢ়ক :NIA files charge sheet on extortion case : মণিপুৰৰ ধন দাবী গোচৰত NIAৰ অভিযোগনামা দাখিল
