জম্মু-কাশ্মীৰত পথ দুৰ্ঘটনাত নিহত সেনা

জম্মু-কাশ্মীৰৰ কুলগামত সেনাৰ এখন বাহন বাগৰি যোৱাৰ ফলত এগৰাকী ভাৰতীয় সেনাৰ দুৰ্ঘটনাস্থলীত মৃত্যু হয় আৰু দুগৰাকী আহত হয় ।

নেশ্যনেল ডেস্ক, ১২ মাৰ্চ: জম্মু-কাশ্মীৰৰ কুলগামত ভয়ংকৰ পথ দুৰ্ঘটনা । ফলত থিতাতে নিহত হয় এগৰাকী ভাৰতীয় সেনা । ভাৰতীয় সেনাৰ এখন বাহন কুলগামত বাগৰি যোৱাৰ ফলত এগৰাকী সেনাৰ মৃত্যু হোৱাৰ লগতে আহত হয় দুজন সেনা । আহত দুজনক ততাতৈয়াকৈ চিকিৎসালয়লৈ প্ৰেৰণ কৰা হয় ।

ঘটনা অনুসৰি, ৯ নম্বৰ ৰাষ্ট্ৰীয় ৰাইফলছৰ বাহনখনত গৈ থকা সেনাৰ বাহনখন দক্ষিণ কাশ্মীৰৰ কুলগাম জিলাৰ দমহাল হাঞ্জিপোৰাৰ আদিজান গাঁৱত দুৰ্ঘটনাত পতিত হয় । তাৰ পাচতেই স্থানীয় ৰাইজৰ সহযোগত আহতসকলক চিকিৎসালয়লৈ প্ৰেৰণ কৰা হয় । ঘটনা সন্দৰ্ভত তদন্ত অব্যাহত আছে ।

লগতে পঢ়ক: সম্পত্তিক কেন্দ্ৰ কৰি হায়দৰাবাদত পত্নীয়ে হত্যা কৰিলে স্বামীক