Amartya Sen vs Visva Bharati : ভূমি প্ৰসংগত বিশ্ব ভাৰতীৰ বিৰুদ্ধে আদালতৰ দ্বাৰস্থ অমৰ্ত্য সেন

নোবেল বঁটা বিজয়ী অমৰ্ত্য সেনে বৃহস্পতিবাৰে বিশ্ব ভাৰতীয়ে উচ্ছেদ চলোৱাৰ চেষ্টা কৰাৰ অভিযোগ তুলি আদালতৰ দ্বাৰস্থ হয় (Amartya Sen petition against Visva Bharati) । উল্লেখ্য, বিশ্ব ভাৰতী কৰ্তৃপক্ষই অমৰ্ত্য সেনক কেইবাবাৰো পত্ৰ লিখি ভূমি ঘূৰাই দিবলৈ কৈছিল । আনকি তেওঁক "ভূমি দখলকাৰী" বুলিও অভিহিত কৰিছিল ।

নিউজ ডেস্ক, ২৮ এপ্ৰিল : নোবেল বঁটা বিজয়ী অৰ্থনীতিবিদ অমৰ্ত্য সেনে (Nobel laureate economist Amartya Sen) অৱশেষত বিশ্ব ভাৰতীয়ে উচ্ছেদ চলোৱাৰ চেষ্টা কৰাৰ অভিযোগ তুলি আদালতৰ দুৱাৰত টোকৰ মাৰিছে । বৃহস্পতিবাৰে চুৰি জিলা আদালতত এই সন্দৰ্ভত এখন আবেদন দাখিল কৰা হয় আৰু ইয়াৰ শুনানি ১৫ মে'ত হ'ব (Amartya Sen petition against Visva Bharati) । অৱশ্যে বিশ্ব ভাৰতী কৰ্তৃপক্ষই অমৰ্ত্য সেনক এক জাননী জাৰি কৰি অহা ৬ মে'ত ভূমি খালী কৰাৰ বাবে সময়সীমা বান্ধি দিয়া বুলি উল্লেখ কৰে ।

বিশ্ব ভাৰতীৰ মতে, নোবেল বঁটা বিজয়ী অমৰ্ত্য সেনৰ শান্তি নিকেতনৰ ঘৰ 'প্ৰতিশী'ত ১৩ ডেচিমেল অতিৰিক্ত ভূমি আছে । বিশ্ব ভাৰতী কৰ্তৃপক্ষই অমৰ্ত্য সেনলৈ কেইবাবাৰো এই মাটি ঘূৰাই বিচাৰি পত্ৰ লিখিছিল । আনকি তেওঁক "ভূমি দখলকাৰী" বুলিও অভিহিত কৰা হৈছিল (Amartya Sen land controversy) ।

উল্লেখ্য, বিশ্ব ভাৰতীৰ উপাচাৰ্য (Vice Chancellor of Visva Bharati) বিদ্যুৎ চক্ৰৱৰ্তীয়ে বিভিন্ন অনুষ্ঠানত ভাষণ দি ভাৰত ৰত্ন অমৰ্ত্য সেনক আক্ৰমণ কৰি আহিছে (Bharat Ratna Amartya Sen) । ইয়াৰ উপৰি বিশ্ব ভাৰতী কৰ্তৃপক্ষই অমৰ্ত্য সেনৰ 'প্ৰতিশী' ঘৰৰ গে'টত এখন জাননী ওলোমাই দিয়ে আৰু তেওঁক ৬ মে'ৰ ভিতৰত উক্ত মাটিখিনি খালী কৰিবলৈ নিৰ্দেশ দিয়ে । লগতে অধ্যাপক অমৰ্ত্য সেনক এক সতৰ্কবাণী জাননীও জাৰি কৰা হৈছে যে বিশ্ব ভাৰতী কৰ্তৃপক্ষই এই ক্ষেত্ৰত প্ৰয়োজন হ'লে বল প্ৰয়োগ কৰিব ।

আনহাতে, তৃষা ৰাণী ভট্টাচাৰ্য নামৰ এগৰাকী প্ৰাক্তন ছাত্ৰীয়ে শান্তি নিকেতন আৰক্ষী থানাত অভিযোগ দাখিল কৰি অমৰ্ত্য সেনৰ পিছফালে লাগি থকা উপাচাৰ্য, কাৰ্যকৰী সচিব আৰু জনসম্পৰ্ক বিষয়াক 'বিশ্বাসঘাতক' বুলি অভিহিত কৰিছে । আনকি পশ্চিমবংগৰ মুখ্যমন্ত্ৰী মমতা বেনাৰ্জীয়েও সতৰ্ক কৰি দিছে যে যদি অমৰ্ত্য সেনৰ ঘৰ ভাঙি পেলোৱা হয় তেন্তে তেওঁ ধৰ্ণাত বহিব ।

বৰ্তমান নোবেল বঁটা বিজয়ী অৰ্থনীতিবিদ অমৰ্ত্য সেনে ভূমি সমস্যা সন্দৰ্ভত আদালতৰ কাষ চাপি অভিযোগ কৰিছিল যে, বিশ্ব ভাৰতী কৰ্তৃপক্ষই তেওঁক উদ্দেশ্য প্ৰণোদিতভাৱে উচ্ছেদ কৰিবলৈ চেষ্টা কৰি আছে । এই সন্দৰ্ভত তেওঁ বৃহস্পতিবাৰে চুৰি জিলা আদালতত এখন আবেদন দাখিল কৰে । অধিবক্তা সৌমেন মুখাৰ্জী আৰু গোচন্দ চক্ৰৱৰ্তীয়ে অমৰ্ত্য সেনৰ হৈ গোচৰটো ৰুজু কৰে ।

লগতে পঢ়ক :Section 144 imposed in Manipur : মণিপুৰত সান্ধ্য আইন জাৰি, ইণ্টাৰনেট কৰ্তন