নেশ্যনেল ডেস্ক,৬ এপ্ৰিল:ভাৰতী এয়াৰটেল আৰু ৰিলায়েঞ্চ জিঅ' ইনফ'কমৰ মাজত বিশেষ চুক্তি সম্পন্ন । ভাৰতী এয়াৰটেলে মঙলবাৰে ঘোষণা কৰা মতে অন্ধ্ৰপ্ৰদেশত ৩.৭৫ মেগাহাৰ্জ, দিল্লীত ১.২৫ মেগাহাৰ্জ আৰু মুম্বাইত ২.৫০ মেগাহাৰ্জৰ লগতে ৮০০ বেণ্ডত স্পেকট্ৰামৰ ব্যৱহাৰৰ অধিকাৰ জিঅ'লৈ স্থানান্তৰ কৰাৰ চুক্তি ঘোষণা কৰে ।
এয়াৰটেলে এক বিবৃতিত উল্লেখ কৰা মতে চুক্তিখন আইনী অনুমোদনৰ অপেক্ষাত আছে । এই চুক্তিৰ জৰিয়তে এয়াৰটেলে ৭.৫০ মেগাহাৰ্জ স্পেকট্ৰামৰ প্ৰস্তাৱিত স্থানান্তৰৰ বাবে জিঅ'ৰ পৰা ১,০৩৭.৬ কোটি টকা লাভ কৰিব । ইয়াৰ উপৰিও জিঅ'ই ভৱিষ্যতে স্পেকট্ৰাম সম্পৰ্কীয় ৪৫৯ কোটি টকাৰ দায়বদ্ধতা গ্ৰহণ কৰিব।