নিউজ ডেস্ক, ২০ জানুৱাৰী: চেন্নাই আন্তঃৰাষ্ট্ৰীয় বিমানবন্দৰৰ ৰানৱেত মৃত্যু এয়াৰ ইণ্ডিয়া কৰ্মচাৰীৰ । কৰ্তব্যৰত অৱস্থাত মৃত্যু কৰ্মচাৰীগৰাকীৰ । নিহত কৰ্মচাৰীগৰাকী পশুপতি ৰাজন (৫৭) । এয়াৰ ইণ্ডিয়া কাৰ্যালয়ৰ বাণিজ্যিক বিভাগৰ কৰ্মচাৰী আছিল পশুপতি ৰাজন ।
ঘটনা অনুসৰি, যোৱা নিশা চিকাগৰ পৰা চেন্নাই হৈ দিল্লী অভিমুখে উৰা মৰা এয়াৰ ইণ্ডিয়াৰ বিমানখনত কৰ্তব্যৰত অৱস্থাতে সংজ্ঞা হেৰুৱাই পেলায় । তাৰ পাচত লগে লগে তেওঁৰ সহযোগীসকলে চিকিৎসালয়ত ভৰ্তি কৰায় যদিও চিকিৎসকে হৃদক্ৰিয়া বন্ধ হোৱাৰ ফলত মৃত্যু হোৱা বুলি ঘোষণা কৰে ।