চেন্নাই আন্তঃৰাষ্ট্ৰীয় বিমানবন্দৰত মৃত্যু এয়াৰ ইণ্ডিয়া কৰ্মচাৰীৰ

নিশা চিকাগৰ পৰা চেন্নাই হৈ দিল্লী অভিমুখে উৰা মৰা এয়াৰ ইণ্ডিয়াৰ বিমানখনত কৰ্তব্যৰত অৱস্থাতে সংজ্ঞা হেৰুৱাই নিহত এয়াৰ ইণ্ডিয়া কৰ্মচাৰী পশুপতি ৰাজন ।

নিউজ ডেস্ক, ২০ জানুৱাৰী: চেন্নাই আন্তঃৰাষ্ট্ৰীয় বিমানবন্দৰৰ ৰানৱেত মৃত্যু এয়াৰ ইণ্ডিয়া কৰ্মচাৰীৰ । কৰ্তব্যৰত অৱস্থাত মৃত্যু কৰ্মচাৰীগৰাকীৰ । নিহত কৰ্মচাৰীগৰাকী পশুপতি ৰাজন (৫৭) । এয়াৰ ইণ্ডিয়া কাৰ্যালয়ৰ বাণিজ্যিক বিভাগৰ কৰ্মচাৰী আছিল পশুপতি ৰাজন ।

ঘটনা অনুসৰি, যোৱা নিশা চিকাগৰ পৰা চেন্নাই হৈ দিল্লী অভিমুখে উৰা মৰা এয়াৰ ইণ্ডিয়াৰ বিমানখনত কৰ্তব্যৰত অৱস্থাতে সংজ্ঞা হেৰুৱাই পেলায় । তাৰ পাচত লগে লগে তেওঁৰ সহযোগীসকলে চিকিৎসালয়ত ভৰ্তি কৰায় যদিও চিকিৎসকে হৃদক্ৰিয়া বন্ধ হোৱাৰ ফলত মৃত্যু হোৱা বুলি ঘোষণা কৰে ।

ইফালে এই ঘটনাৰ পাচত যাত্ৰা কৰিবলগীয়া বিমানখন বিমানবন্দৰত ৰখাই থোৱা হয় ।

মৰণোত্তৰ পৰীক্ষাৰ বাবে ইতিমধ্যে চেন্নাইৰ ক্ৰমপেটস্থিত চৰকাৰী চিকিৎসালয়লৈ তেওঁৰ মৃতদেহ প্ৰেৰণ কৰা হয় ।

লগতে পঢ়ক:হাওৰা কালকা মেইলক 'নেতাজী এক্সপ্ৰেছ' নামেৰে নামাকৰণ