নেশ্যনেল ডেস্ক,৬ এপ্ৰিল: মঙলবাৰে তামিলনাডুত অনুষ্ঠিত হয় ১৬ সংখ্যক বিধানসভা নিৰ্বাচন । কিন্তু ভোটগ্ৰহণ অব্যাহত থকাৰ মাজতে মাদুৰাইৰ মীনাক্ষী চৰকাৰী কলা মহাবিদ্যালয়ৰ ভোটগ্ৰহণ কেন্দ্ৰত অপ্ৰীতিকৰ পৰিস্থিতিৰ সৃষ্টি হয় । ভোটগ্ৰহণ কেন্দ্ৰটোত ইভিএম বিকল হোৱাৰ অভিযোগ তুলি ধৰ্ণা কাৰ্যসূচী ৰূপায়ণ কৰে এআইএডিএমকে-ৰ মন্ত্ৰী ছেল্লুৰ ৰাজুৱে ।
ভোটাধিকাৰ সাব্যস্ত কৰি তেওঁ অভিযোগ উত্থাপন কৰে যে, তেওঁ প্ৰমাণীকৃত নথি লাভ কৰা নাই । ইয়াৰ পিছতে দলটোৰ জ্যেষ্ঠ নেতাগৰাকীয়ে ধৰ্ণা কাৰ্যসূচী ৰূপায়ণ কৰে ৷ লগতে নিৰ্বাচনী বিষয়াৰ ওচৰত এই সন্দৰ্ভত অভিযোগ উত্থাপন কৰে ।