PM Modi violating traffic law: কেৰালাত প্ৰধানমন্ত্ৰীৰ বিৰুদ্ধে কোনে দিলে অভিযোগ ?

দুদিনীয়া কাৰ্যসূচীৰে শেহতীয়াকৈ কেৰালা ভ্ৰমণ কৰিছে প্ৰধানমন্ত্ৰী নৰেন্দ্ৰ মোডীয়ে (PM Modi Kerala visit)। কেইবাটাও অভিলাসী আঁচনি শুভাৰম্ভ কৰাৰ লগতে ৰোড শ্ব' কৰিছে প্ৰধানমন্ত্ৰীয়ে । কিন্তু এই ভ্ৰমণৰ এদিন পাচতে কেৰালাত প্ৰধানমন্ত্ৰীৰ বিৰুদ্ধে অভিযোগ দাখিল কৰিলে এজন লোকে ।

নেশ্যনেল ডেস্ক,২৭ এপ্ৰিল :প্ৰধানমন্ত্ৰী নৰেন্দ্ৰ মোডীৰ বিৰুদ্ধে কেৰালাৰ আৰক্ষী সঞ্চালক প্ৰধান আৰু মটৰ পৰিবহন বিভাগৰ ওচৰত অভিযোগ (Complaint against PM Modi)। কোচিত প্ৰধানমন্ত্ৰীৰ ৰোড শ্ব' সন্দৰ্ভত এই অভিযোগ দাখিল কৰা হৈছে । জয়কৃষ্ণন নামৰ ত্ৰিচুৰৰ এগৰাকী বাসিন্দাই ৰাজ্যৰ আৰক্ষী সঞ্চালক প্ৰধান অনিলকান্ত আৰু যান-বাহন বিভাগৰ ওচৰত অভিযোগ দাখিল কৰিছে (Kerala man filed complaint against PM Modi)।

লোকজনে অভিযোগ কৰা মতে ৰোড শ্ব'ৰ সময়ত বাহনখনৰ দুৱাৰত ওলমি থকা প্ৰধানমন্ত্ৰীয়ে যান-বাহন আইন উলংঘন কৰিছে । লগতে বাহনখনৰ সন্মুখৰ আইনাত ফুল ছটিয়াই চালকক অসুবিধা প্ৰদান কৰা বুলিও তেওঁ অভিযোগ কৰিছে । জয়কৃষ্ণনে অভিযোগটোত কৈছে যে সকলোৱে আইন অনুসৰণ কৰিবলৈ বাধ্য আৰু সকলোৱে ইয়াক অনুসৰণ কৰা উচিত (Complaint regarding PM Modi road show)।

কেৰালাত প্ৰধানমন্ত্ৰীৰ বিৰুদ্ধে অভিযোগ

জয়কৃষ্ণনে ২৬ এপ্ৰিলত এই অভিযোগ দাখিল কৰিছে । যিহেতু প্ৰধানমন্ত্ৰীয়ে ২৪ এপ্ৰিলত 'যুৱম' শীৰ্ষক অনুষ্ঠানত অংশ লোৱাৰ উপৰিও বন্দে ভাৰত ৰে'ল সেৱা, ৱাটাৰ মেট্ৰ' , ডিজিটেল চাইন্স পাৰ্ক আদিৰ দৰে বিভিন্ন উন্নয়নমূলক প্ৰকল্পৰ উদ্বোধন কৰিবলৈ কোচিত উপস্থিত হৈছিল । প্ৰধানমন্ত্ৰী নৰেন্দ্ৰ মোডীৰ ৰোড শ্ব' 'যুৱম' অনুষ্ঠানৰ পূৰ্বে অনুষ্ঠিত হৈছিল । ৰোড শ্ব'ৰ সময়ত, তেওঁ চৰকাৰী বাহনখনৰ সন্মুখৰ দুৱাৰত ওলমি আছিল আৰু ৰাস্তাৰ দুয়োফালে সমবেত হোৱা লোকসকলক অভিবাদন জনাইছিল ।

কেৰালাত প্ৰধানমন্ত্ৰীৰ বিৰুদ্ধে অভিযোগ

মোডীয়ে কোচিত ১.৮ কিলোমিটাৰ দূৰত্ব ৰোড শ্ব' কৰিছিল (PM Modi road show in Kochi)। মোডীয়ে প্ৰথমবাৰৰ বাবে কেৰালাত ইমান দীঘলীয়া ৰোড শ্ব' কৰিছে । কেৰালাৰ পোছাক পৰিধান কৰি কোচিলৈ অহা মোডীক ৰাইজে বিশাল আদৰণি জনাইছিল । সমগ্ৰ ৰোড শ্ব'ত প্ৰধানমন্ত্ৰীক লক্ষ্য কৰি হালধীয়া ফুল ছটিওৱাৰ লগতে বিভিন্ন শ্ল'গানেৰে প্ৰধানমন্ত্ৰীক আদৰণি জনোৱা হৈছিল । কোচি আৰু তিৰুৱন্তপুৰমত মোডীক চাবলৈ বহু লোকে ভিৰ কৰিছিল ।

তাৰ পিচদিনা অৰ্থাৎ ২৫ এপ্ৰিলত তেওঁ তিৰুৱন্তপুৰমত উপস্থিত হৈছিল । তাতো তেওঁ তেনে এক ৰোড শ্ব'ত অংশ লৈছিল । তিৰুৱন্তপুৰমত মোডীৰ ৰোড শ্ব' বিমানবন্দৰৰ পৰা শানখুমুগাম যোৱা পথত আছিল ।

লগতে পঢ়ক :Congress BJP clash in Kerala: বন্দে ভাৰত এক্সপ্ৰেছত কোনে আঁৰিলে কংগ্ৰেছী সাংসদৰ পোষ্টাৰ !