নেশ্যনেল ডেস্ক, 19 জানুৱাৰী: মহাৰাষ্ট্ৰত ভয়ংকৰ পথ দুৰ্ঘটনা (Road Accident in Maharashtra) ৷ মহাৰাষ্ট্ৰৰ ৰায়গাড জিলাৰ মুম্বাই-গোৱা ঘাইপথত (Mumbai Goa highway) বৃহস্পতিবাৰে পুৱা সংঘটিত হয় এই দুৰ্ঘটনা ৷ দুৰ্ঘটনাটো ইমানেই ভয়ংকৰ আছিল যে থিতাতে নিহত হয় ৯ গৰাকী লোক ৷ লগতে আহত হৈছে এটি কণমানি ৷
ঘটনাৰ বিৱৰণী অনুসৰি জানিব পৰা মতে, এখন তীব্ৰবেগী ট্ৰাকৰ সৈতে আন এখন ভেনৰ মুখামুখি সংঘৰ্ষৰ ফলত সংঘটিত হয় এই শোকাৱহ দুৰ্ঘটনাটো (9 people killed in truck van collision) ৷ এই দুৰ্ঘটনাৰ ফলত ভেনত থকা ৯ গৰাকী যাত্ৰীৰ মৃত্যু হয় আৰু আহত হয় এটি কণমানি ৷ মুম্বাইৰ পৰা ১৩০ কিলোমিটাৰতকৈও অধিক দূৰত্বত অৱস্থিত ৰাইগাডৰ ৰেপলি গাঁৱত পুৱা ৪.৪৫ বজাত সংঘটিত হয় এই দুৰ্ঘটনা ।
আৰক্ষী অধীক্ষক সোমনাথ ঘৰগে জানিবলৈ দিয়া মতে, মৃত্যু হোৱা আটাইকেইগৰাকী আছিল আত্মীয়-স্বজন ৷ আটাইকেইগৰাকী ভেনখনেৰে ৰত্নাগিৰি জিলাৰ গুহাগৰলৈ গৈ আছিল । আনফালে ট্ৰাকখন মুম্বাই অভিমুখে গৈ আছিল । গৈ থকা অৱস্থাতে ট্ৰাকৰ সৈতে ভেনখনৰ মুখামুখি সংঘৰ্ষ হয় (Truck van collision on Mumbai Goa highway) ৷
আৰক্ষী অধীক্ষকগৰাকীয়ে লগতে কয়, " দুৰ্ঘটনাত ৯ গৰাকী লোক নিহত হৈছে । নিহতসকলৰ ভিতৰত আছে এগৰাকী কন্যা শিশু, তিনিগৰাকী মহিলা আৰু ৫ জন পুৰুষ ।" দুৰ্ঘটনাৰ বিষয়া আৰক্ষীয়ে খবৰ লাভ কৰাৰ পিছতে সেই স্থানত উপস্থিত হৈ উদ্ধাৰ অভিযান চলায় ।