নেশ্যনেল ডেস্ক, 24 নৱেম্বৰঃ দিল্লীৰ বিকাশপুৰীত সংঘটিত হৈছে এক লোমহৰ্ষক ঘটনা ৷ বাইকেৰে অহা দুই অচিনাক্ত দুৰ্বৃত্তই গুলিয়াই হত্যা কৰে 70 বৰ্ষীয় এজন লোকক ৷ নিহত লোকজন বিকাশপুৰীৰ অট্টম সিঙ বুলি জানিব পৰা গৈছে ৷ সোমবাৰে বিয়লি 5.20 বজাত আৰক্ষীয়ে বিকাশপুৰীৰ হাউচ নম্বৰ-358 ৰ সন্মুখত গুলিচালনাৰ তথ্য লাভ কৰে ৷ ইয়াৰ পিছতে ঘটনাস্থলীত উপস্থিত হয় আৰক্ষীৰ লোক ৷
বিকাশপুৰী আৰক্ষীৰ সহকাৰী আৰক্ষী আয়ুক্ত দীপক পুৰোহিতে কয় "সিঙক ততাতৈয়াকৈ আউটাৰ ৰিং ৰোডৰ ছেহগাল হাস্পতাললৈ প্ৰেৰণ কৰা হয়; য’ত তেখেতক চিকিৎসকে মৃত বুলি ঘোষণা কৰে ৷ বুলেটে তেখেতৰ মূৰত আঘাত কৰে ৷ ঘটনাৰ সময়ত দুজন হেলমেট পৰিহিত ব্যক্তি সিঙৰ বাসগৃহৰ সন্মুখতে ৰৈ আছিল ৷ যেতিয়া সিঙে নিজ বাহনৰ পৰা ওলায় সেই সময়তেই ব্যক্তি দুজনে তেখেতৰ ওপৰত গুলিচালনা কৰি ঘটনাস্থলীৰ পৰা পলায়ন কৰে ৷"