সন্ধিয়া 7 বজাৰ দহটা শীৰ্ষ বাতৰি

সন্ধিয়া 7 বজাৰ দহটা শীৰ্ষ বাতৰি...

অৰুণাচল প্ৰদেশৰ চাংলাং জিলাত পঞ্চায়ত নিৰ্বাচনৰ কেন্দ্ৰ কৰি ভয়ংকৰ ঘটনাৰ সৃষ্টি হৈছে । ঘটনাস্থলীত উপস্থিত অতিৰিক্ত আৰক্ষী বিষয়া, অৰুণাচল প্ৰদেশৰ মহা পৰিদৰ্শক চুকো আপা আৰু উপ মহা পৰিদৰ্শক ৷

12 ডিচেম্বৰত প্ৰশাসনৰ গুলিত প্ৰাণ আহুতি দিয়া পাঁচ গৰাকীকৈ ছাত্ৰ দীপাঞ্জল দাস, ছেম ষ্টেফ'ৰ্ড, আব্দুল আলিম, ঈশ্বৰ নায়ক আৰু দীজেন্দ্ৰ পাংগিংক আজি বিলাসীপাৰা শাখা সাহিত্য সভা ভৱনৰ সমীপত শ্ৰদ্ধাঞ্জলি জ্ঞাপন কৰে ৷

মন্ত্ৰী হিচাপে দায়িত্বভাৰ গ্ৰহণ কৰাৰ পাচত পোনপ্ৰথমবাৰৰ বাবে বৰাক উপত্যকাত উপস্থিত হয় মন্ত্ৰী সঞ্জয় কিষাণ ৷ বৰাক উপত্যকাত উপস্থিত হৈয়েই কৰিমগঞ্জৰ কেইবাখনো বাগিছাত শ্ৰমিক আৱাসৰ আধাৰশিলা স্থাপন কৰিলে মন্ত্ৰী সঞ্জয় কিষাণে ৷

অসম - মিজোৰাম সীমান্তত উত্তেজনাক লৈ আদালতত জনস্বাৰ্থ জনিত আবেদন দাখিল ৷ 27 জানুৱাৰীত এই সন্দৰ্ভত আদালতে শুনানি গ্ৰহণ কৰিব ৷ অসমত মিজো দুস্কৃতিকাৰীৰ বলপূৰ্বক প্ৰৱেশ আৰু বন ধ্বংস ৰোধৰ ক্ষেত্ৰত প্ৰশাসনৰ ফালৰ পৰা উপযুক্ত পদক্ষেপ গ্ৰহণৰ দাবী জনাই দাখিল কৰা হৈছিল এই আবেদন ৷

যোৰহাটৰ কুশল কোঁৱৰ ইনড'ৰ ষ্টেডিয়ামত আৰম্ভ হৈছে মুকলি টেবুল টেনিছ প্ৰতিযোগিতা ৷ 11 ডিচেম্বৰৰ পৰা 13 ডিচেম্বৰলৈকে অনুষ্ঠিত হ’ব এই প্ৰতিযোগিতা ৷

AJYCP নলবাৰী জিলা সমিতিৰ অন্তৰ্গত বাঁহজানী আঞ্চলিক সমিতিয়ে বলুকা ভাস্কৰ্যৰে স্মৰণ কৰিলে কা আন্দোলনত প্ৰাণ হেৰুওৱা পঞ্চ শ্বহীদক । ইফালে, সংগঠনৰ নেতৃত্বই কা' আমি নামানো , কা' বাতিল হ'বই আদি শ্ল’গানেৰে প্ৰতিবাদ সাব্যস্ত কৰে ৷

চৰকাৰে প্ৰতি কুইন্টল ধানৰ দাম ১৮৬৮ টকা নিৰ্ধাৰণ কৰিছে যদিও কৃষকক এই দাম নিদিয়ে ধানৰ মিল আৰু দোকানীসকলে ৷ এতিয়া খেতি সামৰি কৃষকে ধান বিক্ৰী কৰাৰ সময়, কিন্তু এই ধান বিক্ৰীৰ বাবে চৰকাৰীভাৱে বৰ্তমানো নাই PPC অৰ্থাৎ কৃষি বিপনন কেন্দ্ৰ ৷

নগাঁৱত চোৰৰ নৃশংসতা ৷ চুৰি কৰিবলৈ গৈ এগৰাকী মহিলাৰ বুকুত বহুৱালে চিপৰাং ৷ চোৰক কৰায়ত্ব কৰি ৰাইজৰ উত্তম-মধ্যম ৷

কলগাছিয়াত শোকাৱহ পথ দুৰ্ঘটনা ৷ ট্ৰেক্টৰৰে মাটি কঢ়িয়াই থকাৰ সময়ত সংঘটিত হয় দুৰ্ঘটনা ৷ দুৰ্ঘটনাত নিহত চালক ৷

ৰাজ্যত অব্যাহত আছে হাতী-মানুহৰ সংঘাট ৷ দিনক দিনে ৰাজ্যত বন্য হস্তীৰ সংঘাট বৃদ্ধি পাৱলৈ ধৰিছে ৷ বনাঞ্চল সংকোচনৰ ফলতে জনাঞ্চলৈ ওলাই আহি বন্যস্তীয়ে উপদ্ৰৱৰ সূষ্টি কৰা পৰিলক্ষিত হৈছে ৷ বৃহস্পতিবাৰে কৰিমগঞ্জত প্ৰতিদিনৰ দৰে কামলৈ ওলাই যোৱাৰ সময়তে বন্য হস্তীৰ আক্ৰমণত ৰাজু চাহা নামৰ ব্যক্তি জনৰ মৃত্যু হয় ৷