নেশ্যনেল ডেস্ক, ১০ এপ্ৰিল :মহাৰাষ্ট্ৰত শোকাৱহ দুৰ্ঘটনা । মন্দিৰৰ ওপৰত বৃহৎ আকাৰৰ গছ বাগৰি পৰাৰ ফলত ৭ জন লোকৰ মৃত্যু (7 dead after tree falls on tin shed temple)। এই ঘটনাত প্ৰায় ৩০ গৰাকী লোক আহত । দুৰ্ঘটনাটোৰ সময়ত মন্দিৰটোৰ ভিতৰত আছিল প্ৰায় ৪০ গৰাকী লোক (Maharashtra accident in Akola Temple)।
দেওবাৰে সন্ধিয়া আকোলাৰ পাৰস গাঁৱত অৱস্থিত বাবুজী মহাৰাজ মন্দিৰত দুৰ্ঘটনাটো সংঘটিত হয় । মন্দিৰটোৰ চালি টিনৰ আছিল । মহা আৰতিৰ বাবে মন্দিৰৰ ভিতৰত প্ৰায় ৪০গৰাকী ভক্ত আছিল । জিলা প্ৰশাসনৰ মতে, প্ৰচণ্ড বতাহ আৰু বৰষুণৰ ফলত টিনৰ মন্দিৰটোৰ ওপৰত প্ৰায় ১০০ বছৰ পুৰণি গছ ডাল বাগৰি পৰে (100 years old tree falls on tin shed Temple)। আকোলাৰ উপায়ুক্তই জনোৱা মতে গছ ডাল পৰি যোৱাৰ সময়ত প্ৰায় ৪০ গৰাকী লোক টিনৰ চালিৰ তলত আৱদ্ধ হৈ পৰিছিল ।
জানিব পৰা মতে সেইসকলৰ ভিতৰত ৩৬ গৰাকী লোকক চিকিৎসালয়ত ভৰ্তি কৰোৱা হৈছে আৰু তেওঁলোকৰ চাৰিজনক মৃত ঘোষণা কৰিছে । পৰৱৰ্তী সময়ত মৃতকৰ সংখ্যা ৭ জনলৈ বৃদ্ধি হয় বুলি উপায়ুক্তই জনাইছে ।
মহাৰাষ্ট্ৰৰ উপ মুখ্যমন্ত্ৰী দেৱেন্দ্ৰ ফাড়নাভিছে ঘটনাটোক লৈ গভীৰ শোক প্ৰকাশ কৰিছে (MH Deputy CM tweet on Maharashtra incident)। তেওঁ টুইট কৰি কয় যে ভক্তসকলে আকোলা জিলাৰ পাৰসত এক ধৰ্মীয় অনুষ্ঠানৰ বাবে একত্ৰিত হৈছিল । সেই সময়ত টিনৰ মন্দিৰটোৰ ওপৰত গছ বাগৰি পৰাৰ ফলত কিছুমান ভক্তৰ মৃত্যু হোৱাৰ খবৰ বেদনাদায়ক বুলি তেওঁ উল্লেখ কৰিছে ।
ইফালে ঘটনাটোৰ পাচতে লগে লগে সেই স্থানত উপায়ুক্ত আৰু আৰক্ষী অধীক্ষক উপস্থিত হয় । আৱদ্ধ লোকসকলৰ উদ্ধাৰ আৰু চিকিৎসা নিশ্চিত কৰিবলৈ দুয়োগৰাকী বিষয়াই তৎপৰতা দেখুৱায় । দুয়োগৰাকী বিষয়াক সমগ্ৰ বিষয়টো চোৱাচিতা কৰিবলৈও উপ-মুখ্যমন্ত্ৰীগৰাকীয়ে নিৰ্দেশ দিছে । টুইটত তেওঁ উল্লেখ কৰা মতে উপায়ুক্ত আৰু আৰক্ষী অধীক্ষকৰ সৈতে তেওঁ নিৰন্তৰ যোগাযোগত আছে ।
আহতসকলৰ চিকিৎসাৰ বিষয়ে উল্লেখ কৰি ফাড়নাভিছে লিখিছে যে আহতসকলৰ কিছুমানক জিলা অসামৰিক চিকিৎসালয়ত ভৰ্তি কৰোৱা হৈছে আৰু সামান্য আঘাতপ্ৰাপ্ত লোকসকলক বালাপুৰত চিকিৎসা কৰা হৈছে । মুখ্যমন্ত্ৰী একনাথ সিন্দেৰ নেতৃত্বাধীন ৰাজ্য চৰকাৰ আৰু মুখ্যমন্ত্ৰীৰ সাহায্য পুঁজিৰ পৰা মৃতকৰ পৰিয়ালক আৰ্থিক সাহায্য প্ৰদান কৰাৰ সিদ্ধান্ত লোৱা হৈছে বুলিও উপ-মুখ্যমন্ত্ৰীয়ে টুইটত জনাইছে ।
লগতে পঢ়ক :Woman living in a Honda city: ডুবাইত চাৰি বছৰ ধৰি এখন হোণ্ডা চিটীত বাস কৰিছে এগৰাকী ভাৰতীয় মহিলাই
