নতুন দিল্লী,১৯ ডিচেম্বৰ : ৬ গৰাকী পাকিস্তানী নাগৰিক সহ ৭ গৰাকী নিচাযুক্ত দ্ৰব্য সৰবৰাহকাৰীৰ বিৰুদ্ধে নিয়াই এক চাৰ্জশ্বীট দাখিল কৰে ৷ নিয়াৰ এক অনুসন্ধানকাৰী দলে সৰবৰাহকাৰী কেইজনৰ পৰা গুজৰাটত ২৩৭ কেজি নিচাযুক্ত দ্ৰব্য জব্দ কৰিছিল ৷ শনিবাৰে নিয়াৰ কাৰ্যালয়ে প্ৰকাশ কৰে এই কথা ৷ আহমেদাবাদত থকা নিয়াৰ বিশেষ আদালতত শুকুৰবাৰেে দাখিল কৰা হয় এই চাৰ্জশ্বীট ৷
নিচাযুক্ত সামগ্ৰী সৰবৰাহকাৰী দলটোত আছে ৬ গৰাকী পাকিস্তানী নাগৰিকৰ লগতে এগৰাকী ভাৰতীয় নাগৰিক ৷ সফদৰ আলী, এলাহী দাদ আংগিয়াৰা, আজিম খান, আব্দুল আজিজ, আব্দুল গফুৰ, মহম্মদ মালাহ নামৰ সৰবৰাহকাৰী কেইজন পাকিস্তানৰ কৰাচীৰ বাসিন্দা হোৱাৰ বিপৰীতে ৰামজান নামৰ সৰবৰাহকাৰীজন গুজৰাটৰ দ্বাৰকা এলেকাৰ বুলি জানিব পৰা গৈছে বুলি নিয়াৰ মুখপাত্ৰই সদৰী কৰে ৷