নিউজ ডেস্ক, ১২ ফেব্ৰুৱাৰী : ঝাৰখণ্ডৰ প্ৰব্ৰজনকাৰী শ্ৰমিক বিদেশত আবদ্ধ হোৱাৰ ঘটনা এটা পুনৰবাৰ পোহৰলৈ আহিছে (migrated labour of Jharkahnd stranded in foreign) । এইবাৰ ঝাৰখণ্ডৰ 36 জন প্ৰব্ৰজনকাৰী শ্ৰমিক তাজাকিস্তানত আবদ্ধ হৈ আছে । আনহাতে, এই শ্ৰমিকসকলক কোম্পানীটোৱে তেওঁলোকৰ কামৰ বিনিময়ত পাবলগা চাৰি মাহৰ মজুৰি প্ৰদান নকৰাৰো অভিযোগ উঠিছে । যাৰ ফলত শ্ৰমিকসকলৰ মাজত খোৱা-লোৱাৰ ক্ষেত্ৰত তীব্ৰ সংকটৰ সৃষ্টি হৈছে । লগতে শ্ৰমিকসকলে সামাজিক মাধ্যমত তেওঁলোকৰ দুখ-দুৰ্দশাৰ এটা ভিডিঅ' শ্বেয়াৰ কৰিছে আৰু চৰকাৰক ঘৰলৈ উভতি অহাৰ বাবে ব্যৱস্থা গ্ৰহণ আৰু তেওঁলোকৰ বকেয়া মজুৰি পৰিশোধ কৰিবলৈও দাবী জনাইছে (Jharkhand Labourer Stranded in Tajikistan) ।
উল্লেখ্য যে, তাজাকিস্তানত ঝাৰখণ্ডৰ গিৰিদিহ, বোকাৰো, হাজাৰিবাগ আৰু ধানবাদ জিলাৰ বিভিন্ন খণ্ডৰ ৩৬ জন প্ৰব্ৰজনকাৰী শ্ৰমিক আবদ্ধ হৈ আছে । তাত আবদ্ধ হৈ থকা শ্ৰমিকসকলে প্ৰকাশ কৰা মতে, যিটো কোম্পানীত তেওঁলোকে কাম কৰি আছিল সেই কোম্পানীটোৱে চাৰি মাহৰ তেওঁলোকৰ প্ৰাপ্য মজুৰিও দিয়া নাই । ফলত ধনৰ অভাৱত শ্ৰমিকসকল খাদ্যৰ বাবে ব্যাকুল হৈ পৰিবলগা হৈছে (migrated labour of India in foreign country) ।
ইফালে প্ৰব্ৰজনকাৰী শ্ৰমিকৰ স্বাৰ্থত কাম কৰা চিকন্দৰ আলীয়ে এই আবদ্ধ হৈ থকা শ্ৰমিকসকলক সহায় কৰিবলৈ কেন্দ্ৰীয় আৰু ৰাজ্য চৰকাৰৰ ওচৰত দাবী জনাইছে । তেওঁ কয় যে নিযুক্তিৰ অভাৱৰ বাবে ঝাৰখণ্ডৰ কোনো নহয় কোনো ঠাইৰ পৰা প্ৰতিদিনে এনে ধৰণৰ ঘটনা সংঘটিত হোৱাৰ খবৰ পোৱা গৈছে । মানুহে জীৱিকাৰ সন্ধানত বিদেশলৈ যায় । য'ত তেওঁলোকে অত্যাচাৰৰ সন্মুখীন হ'বলগা হয় । এনে পৰিস্থিতিত শ্ৰমিকসকলে অতি কষ্টেৰেহে স্বদেশলৈ ঘূৰি আহিবলৈ সক্ষম হয় । এনে পৰিস্থিতিত চৰকাৰে শ্ৰমিকৰ প্ৰব্ৰজন বন্ধ কৰিবলৈ নিযুক্তিৰ ব্যৱস্থা কৰিব লাগিব (stranded labour in Tajikistan appeal for rescue) ।