আগৰতলা, ০৮ মাৰ্চ:আন্তঃৰাষ্ট্ৰীয় মহিলা দিৱসৰ (International Women’s Day) দিনাই কেন্দ্ৰীয় গৃহমন্ত্ৰী অমিত শ্বাহে ত্ৰিপুৰাত ঘোষণা কৰিলে যে, ৰাজ্যখনৰ ৩৩ শতাংশ চৰকাৰী চাকৰি মহিলাৰ বাবে সংৰক্ষিত কৰা হ'ব (government jobs in Tripura to be reserved for women) ৷ ত্ৰিপুৰালৈ এদিনীয়া ভ্ৰমণৰ বাবে যোৱা কেন্দ্ৰীয় গৃহমন্ত্ৰী গৰাকীয়ে ত্ৰিপুৰাৰ গোমতী জিলাৰ উদয়পুৰ উপ-সংমণ্ডলৰ মাতা ত্ৰিপুৰা সুন্দৰী মন্দিৰলৈকো যায়, য'ত তেওঁ মন্দিৰটোৰ এখন ৰূপৰ দুৱাৰ উদ্বোধন কৰে ৷
৩৩ শতাংশ চৰকাৰী চাকৰি হ’ব মহিলাৰ বাবে সংৰক্ষণ: অমিত শ্বাহ
ইয়াৰ পিছত তেওঁ আগৰতলাৰ বিবেকানন্দ ময়দানত এক গণ সমাৱেশ সম্বোধন কৰে ৷ এই সমাৱেশত কেন্দ্ৰীয় গৃহমন্ত্ৰী গৰাকীয়ে নিজৰ বক্তব্য ৰাখি কয়, "বিজেপি চৰকাৰ গঠনৰ ৪ বছৰৰ পিছত মই দেখিবলৈ পাইছো, পূৰ্বতে ড্ৰাগছ মাফিয়াৰ তাণ্ডৱত ভুগি থকা ত্ৰিপুৰা আজি স্বাৱলম্বিতাৰ দিশে আগবাঢ়িছে ।