নিউজ ডেস্ক : উত্তৰাখণ্ডত যেন প্ৰকৃতিয়ে দেখুৱাইছে নিজৰ ৰূদ্ৰ ৰূপ ৷ পিথোৰাগঢ় জিলাৰ জুম্মা গাঁৱত সংঘটিত ভূমিস্খলনৰ ফলত দুগৰাকী লোকে প্ৰাণ হেৰুওৱাৰ লগতে মাটিত পোত গৈছে পাঁচজনকৈ লোক ৷ মাজ নিশা সংঘটিত হোৱা ডাৱৰ বিস্ফোৰণৰ পাচতেই সৃষ্টি হয় ভূমিস্খলনৰ ৷
উত্তৰাখণ্ডত ভয়াৱহ ভূমিস্খলন
ইতিমধ্যে মুখ্যমন্ত্ৰীৰ নিৰ্দেশ মৰ্মে SDRF আৰু SSB ৰ দলে উদ্ধাৰ অভিযান অব্যাহত ৰাখিছে সেই স্থানত ৷ পিথোৰাগঢ়ৰ জিলা দণ্ডাধীশ অশিস চৌহানে জনোৱা মতে, নৰেন্দ্ৰ নগৰৰ পৰা চাম্বা লৈ ঋষিকেশ-গংগোত্ৰী(NH-94) সংযোগী ঘাইপথ, তপোবনৰ পৰা মালেথালৈ ঋষিকেশ-বদ্ৰীনাথ সংযোগী 58 নং ৰাষ্ট্ৰীয় ঘাইপথ দুটা ক্ষতিগ্ৰস্ত হৈছে ভূমিস্খলনৰ ফলত ৷