নাচিক (মহাৰাষ্ট্ৰ) :অদম্য সাহস প্ৰদৰ্শন কৰি এটা নাহৰফুটুকীৰ সৈতে খালী হাতেৰে যুঁজ দি চৰ্চাত এটি 12 বছৰীয়া কিশোৰ ৷ মহাৰাষ্ট্ৰৰ নাচিকৰ গৌৰৱ নামৰ 12 বছৰীয়া কিশোৰ জনে অকলশৰে মাকৈ খেতিৰ ভিতৰলৈ সোমাই যোৱাৰ পাছতে নাহৰফুটুকীটোৰ আক্ৰমণৰ সন্মুখীন হয় ৷
নৱেম্বৰ 4 তাৰিখে এই ঘটনা সংঘটিত হয় ৷ লকডাউনৰ পৰিপ্ৰেক্ষিতত বিদ্যালয় বন্ধ থকাৰ বাবে পৰিয়ালৰ অন্যান্য সদস্যসকলৰ সৈতে গৌৰৱে মাকৈৰ খেতিৰ কামত সহায় কৰিবলৈ পথাৰলৈ গৈছিল বুলি জানিব পৰা গৈছে ৷
পৰিয়ালৰ সৈতে পথাৰত মাকৈ সিঁচি থাকোতে গৌৰৱ পথাৰৰ ভিতৰলৈ সোমাই যোৱাত তাত লুকাই থকা নাহৰফুটুকী এটাই গৌৰৱৰ সোঁহাতখন আক্ৰমণ কৰে ৷ কিছু মুহুৰ্তৰ বাবে কি হৈ আছে গৌৰৱে একো অনুভৱ কৰিব পৰা নাছিল যদিও ভয়ত বিতত নহৈ বাঁও হাতখন নাহৰফুটুকীটোৰ কাণত সোমোৱাই দিয়ে ৷ আঘাতপ্ৰাপ্ত কিশোৰজনৰ হাতত পাঁচটা চিলাই পৰিছে ৷ চিকিৎসাৰ বাবে কিশোৰজনক নাচিক জিলা হস্পিতালত ভৰ্তি কৰোৱা হৈছে ৷
লগতে পঢ়ক:মানৱ অংগ কঢ়িয়াই নিয়া হেলিকপ্টাৰ এম্বুলেন্স দুৰ্ঘটনাত পতিত