Manipur Violence: মণিপুৰত অসম ৰাইফলছৰ নিৰাপত্তা বাহাল ৰাখিবলৈ প্ৰধানমন্ত্ৰীক আহ্বান 10 জনজাতীয় বিধায়কৰ

বুধবাৰে মণিপুৰৰ 40 জন বিজেপি বিধায়কে প্ৰধানমন্ত্ৰী নৰেন্দ্ৰ মোদীক মণিপুৰৰ পৰা অসম ৰাইফলছৰ দল প্ৰত্যাহাৰ কৰিবলৈ আহ্বান জনোৱাৰ পিচতে বৃহস্পতিবাৰে শাসকীয় দলৰ আন 10 গৰাকী জনজাতীয় বিধায়কৰ এটা দলে মোদীক মণিপুৰৰ পৰা অসম ৰাইফলছ বাহাল ৰাখিবলৈ আহ্বান জনায় ৷

নেশ্যনেল ডেস্ক, 10 আগষ্ট :মণিপুৰত শাম কটা নাই পৰিস্থিতি ৷ মণিপুৰত সম্প্ৰতি পৰিস্থিতি নিয়ন্ত্ৰণ কৰিবলৈ অসম ৰাইফলছৰ লগতে কেইবাটাও সামৰিক বাহিনীৰ গোট নিয়ন্ত্ৰণ কৰা হৈছে ৷

শেহতীয়াকৈ বুধবাৰে মণিপুৰৰ 40 জন বিজেপি বিধায়কে প্ৰধানমন্ত্ৰী নৰেন্দ্ৰ মোদীক মণিপুৰৰ পৰা অসম ৰাইফলছৰ দল প্ৰত্যাহাৰ কৰিবলৈ আহ্বান জনোৱাৰ পিচতে বৃহস্পতিবাৰে শাসকীয় দলৰ আন 10 গৰাকী জনজাতীয় বিধায়কৰ এটা দলে মোদীক মণিপুৰৰ পৰা অসম ৰাইফলছ বাহাল ৰাখিবলৈ আহ্বান জনায় ৷

ৰাজ্যখনৰ কুকি-জোহ-মাৰ জনজাতীয় সম্প্ৰদায়ৰ 10 গৰাকী বিধায়কে প্ৰধানমন্ত্ৰীৰ কাৰ্যালয়লৈ দাখিল কৰা এখন স্মাৰকপত্ৰত উল্লেখ কৰে যে, অসম ৰাইফলছক ৰাজ্যখনৰ পৰা আঁতৰ কৰিব নালাগে কিয়নো ই জনজাতীয় লোকসকলৰ সুৰক্ষা আৰু নিৰাপত্তাৰ ক্ষেত্ৰত ক্ষতি কৰিব আৰু বিপদত পেলোৱাৰো সম্ভাৱনা আছে ৷ " সেয়েহে আমি বিনম্ৰভাৱে ৰাজ্যখনত পৰিস্থিতি নিয়ন্ত্ৰণ কৰিবলৈ আৰু ৰাজ্যখনত পুনৰ শান্তি ঘূৰাই আনিবলৈ বাফাৰ জ’নসমূহত নিয়ম উলংঘা নকৰিব কেন্দ্ৰীয় অৰ্ধসামৰিক বাহিনীক নিৰ্দেশনা দিবলৈ বিনম্ৰভাৱে প্ৰাৰ্থনা জনাইছো ৷"

লগতে বিধায়কসকলে গৃহমন্ত্ৰী অমিত শ্বাহলৈ প্ৰেৰণ কৰা স্মাৰকপত্ৰত উল্লেখ কৰিছিল যে, মণিপুৰৰ পৰিস্থিতি নিয়ন্ত্ৰণ কৰিবলৈ অসম ৰাইফলছে আন কেন্দ্ৰীয় বাহিনীৰ সৈতে একেলগে কঠোৰ পৰিশ্ৰম কৰি আছে ৷ এতিয়া মণিপুৰ আৰক্ষীয়ে গুৰুত্বপূৰ্ণ অঞ্চলসমূহৰ পৰা অসম ৰাইফলছৰ গোটসমূহ প্ৰত্যাহাৰ কৰা আৰম্ভ কৰিছে ৷ লগতে মণিপুৰ আৰক্ষীয়ে অসম ৰাইফলছৰ জোৱানসকলক দায়িত্ব পালন কৰাত বাধা তেওঁলোকৰ বিৰুদ্ধে মিছা আৰু মনে গঢ়া কাহিনী সজাই এজাহাৰ দাখিল কৰা আৰম্ভ কৰিছে ৷

বুধবাৰে মেইটেই সম্প্ৰদায়ৰ 40 জন বিধায়কে প্ৰধানমন্ত্ৰী মোদীক মণিপুৰৰ পৰা অসম ৰাইফলছ প্ৰত্যাহাৰ কৰিবলৈ আৰু সেইবোৰৰ সলনি অন্যান্য কেন্দ্ৰীয় বাহিনী নিয়োগ কৰিবলৈ আহ্বান জনায় ৷

লগতে পঢ়ক:Manipur 40 MLAs write to PM: মণিপুৰৰ পৰা অসম ৰাইফলছক প্ৰত্যাহাৰৰ দাবীৰে প্ৰধানমন্ত্ৰীলৈ পত্ৰ 40 বিধায়কৰ